Ер аҳолиси кексаймоқда ва шаҳарларга кўчиб ўтмоқда

Кекса кишиларнинг кўпайиб бориши шаҳар аҳолиси сонининг кескин ошишига сабаб бўлади, бу ўз навбатида турли оқибатларга олиб келиши мумкин, дейилади БМТнинг аҳолишунослик ва тараққиёт Комиссияси ҳисоботида. Мазкур комиссиянинг йиллик сессияси 1 апрелдан 5 апрелгача Нью-Йоркда бўлиб ўтади, деб ёзмоқда “Соф.уз” сайти.

Кўплаб мамлакатларда кекса кишиларнинг кўпайиб бориши билан боғлиқ демографик жараёнлар атроф-муҳитга жиддий босим ўтказади, шунингдек иқтисодий ва ижтимоий муаммоларни келтириб чиқаради. БМТ маълумотларига кўра,сўнгги 25 йилда жаҳонда ўртача умр кўриш 64,9 ёшдан 72,3 ёшгача узайди, 2030 йилга бориб яна 2 ёшга узаяди.

Комиссияга кўриб чиқиш учун тақдим қилинган БМТ Бош котибининг ҳисоботида таъкидланишича, туғилиш даражаси камаймоқда ва Ер юзи аҳолиси кексайиб бормоқда. Прогнозларга кўра, 2050 йилда жаҳон аҳолисининг 70 фоизидан кўпи туғилиш даражаси белгиланган меъёрдан кам бўлган мамлакатларда яшайди.

БМТ критериясига кўра, “кекса” кишилар деганда 65 ёшга тўлганлар тушинилади. Уларнинг улуши аҳоли сонига нисбатан кўпаймоқда ва 2019 йилда Европада 19 фоизни, Шимолий Америкада эса 16 фоизни ташкил қилди. 2050 йилга бориб кексалар сони Европада 28 фоизга, Шимолий Америкада эса 23 фоизга етиши мумкин. Шу давр мобайнида Осиё, Лотин Америкаси ва Кариб ҳавзасида кексалар сони ошиши кутилмоқда, БМТ прогнозларига кўра, асримиз ўрталарига бориб кекса кишилар 9 фоизни ташкил қилади.

Сўнгги 25 йилда кекса кишилар сонининг кескин ошиб кетишига баҳо берган БМТ, қашшоқликда яшаётган одамлар сонининг кескин камайиши, оналар ўлимининг қисқариши ва аҳолининг фаровонлик даражаси ошиши билан боғламоқда.

 

Бўлишинг:

Муҳаррир танлови

Ўзбекистон мхх тизимларида кенг кўламли тозалаш кетмоқда

Ўзбекистон президенти Шавкат Мирзиëев Миллий хавфсизлик хизмати ва унинг айрим раҳбарлари шаънига кескин айбловларни билдирди. (more…)

Гулнора каримова колониядан тез ёрдам машинасида олиб кетилди

Ўзбекистоннинг биринчи президентининг қизи Гулнора Каримова колониядан тез ёрдам машинасида олиб кетилди. Бу ҳақда Каримованинг швейцариялик адвокати Грегуар Манжа маълум ...

Ўзбекистон аҳолиси бир йилда 1 миллионга кўпайди

Ўзбекистон Давлат статистика қўмитаси маълумотларига кўра, 2022-йил 1-январь ҳолатига кўра, аҳоли сони 35 миллион 271 минг 276 кишини ташкил қилган. 17,9 миллиони (50,7 фоиз) ...