Футзал бўйича Жаҳон чемпионатига борган Покистон миллий жамоаси Аргентинадан депорт қилинди

Футзал бўйича Покистон миллий жамоаси миллий хавфсизлик масалалари туфайли Аргентинадан депорт қилинди. Жамоа Халқаро футбол ассоциацияси томонидан ташкил этилган жаҳон чемпионатида қатнашиш учун ушбу мамлакатга келганди, деб ёзади «Трибуна.уз» сайти.

«Жамоанинг 7 нафар аъзоси Дубайда ушланди, қолганлар Эсейса аэропортига (Аргентинадаги энг йирик халқаро аэропорт – таҳр.) етиб келишганидан сўнг депорт қилинди. Аргентина Ташқи ишлар вазирлиги миллий хавфсизлик нуқтайи назаридан уларга виза беришни рад этди», – дейилади Аргентина футзал конфедерацияси матбуот хизмати хабарида.

Покистонлик футзалчилар билан боғлиқ воқеа чемпионат старт олишига 48 соатдан камроқ вақт қолган пайтда рўй берган, шунинг учун уларнинг ўрнига турнирда бошқа жамоа иштирок этмайдиган бўлган. Аввалроқ Канада миллий жамоаси ҳеч қандай тушунтиришларсиз мусобақада қатнашмаслигини билдирган, уларнинг ўрнини АҚШ футзал жамоаси эгаллаганди.

31 март куни бошланган Жаҳон чемпионати 7 апрелда ниҳоясига етади. Унда 15та жамоа курашга киришган. Покистоннинг иштироки бекор қилингач, мусобақада Осиёдан фақат Непал миллий жамоаси қолди. Иштирокчилар орасида Каталония ҳам бор. Каталонияликлардан ташқари, Европа номидан Франция ва Италия, шунингдек Африкада жойлашган Марокаш футзалчилари қатнашмоқда.

Қайд этиш керак, Халқаро футбол ассоциацияси байроғи остида ўтувчи ушбу мусобақа ФИФА томонидан тан олинмаган.

 

Бўлишинг:

Муҳаррир танлови

Президент фармони: 7 давлат фуқароларига 30 кунлик визасиз режим жорий этилмоқда

Ўзбекистон Республикаси президенти Шавкат Мирзиёев «Ўзбекистон Республикасининг сайёҳлик салоҳиятини ривожлантириш учун қулай шарт-шароитлар яратиш бўйича қўшимча ташкилий ...

Нью-йоркда ўзбек полициячи садоқат мақсудова ўғирликда айбланмоқда, унинг ўзи ўғирлик қилганини рад қилмоқда

Нью-Йорк полиция хизматчиси, асли бухоролик Садоқат Мақсудова 300 долларлик кийим-кечакнинг пулини бермасдан дўкондан чиқиб кетаётганида қўлга олингани айтилмоқда. Нью-Йорк ...

Танзанияда кема чўкиши натижасида 40дан ортиқ киши ҳалок бўлди

Танзанияда ҳаддан ортиқ юк ортгани туфайли кема чўкиб кетган. Бортда тахминан беш юз киши бўлган. 20 сентябр куни Виктория кўли қирғоғида паромда 44 киши ҳалок бўлди. Бу ...