Сурхондарё вилоятида давом этаётган I Халқаро бахшичилик санъати фестивали Бухорода бахшичиликни ривожлантиришга йўл очди

Сурхондарё вилояти Термиз шаҳрида бўлиб ўтаётган I Халқаро бахшичилик санъати фестивали Бухорода ҳам қадимий бахшичилик ва достончилик санъатига асос солиб, уни янги босқичда юксалтириб, вилоятда бахши-шоирлар ижодий мактабини яратишда дастуриламал бўлди. Бу ҳақда Бухоро вилояти ҳокимлиги Маданият бошқармаси бошлиғи Йўлдош Кенжаев маълум қилди.

Алпомишлар юртида бўлиб ўтадиган Биринчи халқаро бахшичилик санъати фестивали аждодлардан мерос қолган ноёб санъат бахшичиликни дунёга кенг тараннум этишда муҳим ўрин тутмоқда. Шу ўринда айтиш жоизки, Бухоройи шарифда санъатнинг турли йўналишларида эътирофга сазовор  бетакрор ишлар амалга оширилган бўлишига қарамай, бахшичилик санъати энди-энди кўз очмоқда. Ушбу йирик анжуман устоз-бахшилардан илҳом ва сабоқ олишимиз баробарида Бухорода ҳам бахшилар мактабини яратишимиз учун  жуда катта туртки бўлди. Миллий қадриятларимизни тиклаб, юксак бадиий ижод асосида яратилган номоддий мерос дурдоналарининг қадимий анъаналарини ривожлантириш учун бор имкониятимизни ишга соламиз”,-деди вилоят Маданият бошқармаси бошлиғи Йўлдош Кенжаев.

 

Биринчи халқаро бахшичилик санъати фестивали муносабати билан ташкил этилган Бухоро павильони Анжуманга турли вилоятлар ҳамда хорижий давлатлардан ташриф буюрган меҳмонлар эътиборида бўлди. “Мавжи Бухоро” фольклор жамоаси, “Бухоро гўзаллари” рақс дастаси, театрлаштирилган тарихий шахслар сиймолар, ҳавода муаллақ турувчи дарвешлар чиқишлари кўпчиликда қизиқиш уйғотди.

 

Халқ амалий безак санъати тури – зардўзликда шуҳрат қозонган уста ҳунарманд Нодир Расулов, патдўз Феруз Жўраев, мис-кандакор Жасур Қосимов, ипак-гилам тўқиш ҳамда каштачилик чеварлари Сурайё Ҳалимова,  Вазирабону Атоева ва бошқа ҳунармандларнинг кўргазмалари воҳанинг ўзига хослиги намоён этди.

 

– Фестивалга келган меҳмонлар Бухоро ҳунармандчилиги катта қизиқиш уйғотганини билдиришгач, анжуман ташкилотчилари таклифи билан павильоннинг ўзида ҳар бир ҳунармандчилик тури бўйича сабоқ ва мастер-класслар ташкил этдик. Сайёҳлар орасида германиялик ва украиналик ҳунармандлар келгусида мис-кандакорлик ва қоракўл тери ҳунармандчилиги билан бевосита ҳамкорликда ишлаш таклифини билдиришди. Фестиваль туризмни ривожлантиришда ҳам кенг имконият бўлиб хизмат қилмоқда”,-деди вилоят “Ҳунарманд” бошқармаси бошлиғи Хуршид Яҳёев.

 

Фестивалда бухоролик иштирокчилар томонидан “Нодир китоблар” кутубхонаси ташкил этилиб, нодир китоб ҳамда қўлланмалар билан бойитилди. Нодир халқ достонлари ва термалари аудио, видео  шаклларда ёзилиб, ташриф буюрганларга тарқатилди.

Бўлишинг:

Муҳаррир танлови

Визасиз ташрифлар рейтинги эълон қилинди

Буюк Британиянинг "Henley & Partners" халқаро консалтинг компанияси паспортлар индексининг янгиланган версиясига оид ҳисоботни чоп этди. Унда 2018 йил чорак ҳисобида дунё ...

Дубайнинг тахт вориси ов учун ўзбекистонга қанча тўлайди? 

Дубай амирлигининг тахт вориси Шайх Ҳамдан ибн Муҳаммад Ал-Мактум ов қилиш учун Ўзбекистонга келганини эшитмаган одам  қолмаган бўлса керак. ЎзА тарқатган маълумотга кўра, ...

Фуқаролиги йўқ шахслар ҳасрати оламни тутмоқда, шавкат мирзиёевнинг парвои фалак

Ҳар сафар Қозоғистоннинг Ўзбекистондаги элчихонасига борганимда  Ўзбекистон ҳукуматининг адолатсизликларидан, миллат тақдирига бефарқлигидан, миллат шаънини таҳқирлашидан, ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400