«Ўлган бувисига янги кафан ҳам совға қилинглар!»

Яқинда Тошкентга 380 минг долларга келиб-кетган турк актёри Бурак Ўзчивит, хабар беришларича, куни кеча бир ўғилнинг отасига айланибди. Ўғли Каран деб исм қўйибди. Оталик — бахт! Умри билан берган бўлсин!

Хуллас, Караннинг қадами жуда қут-баракали келибди — «Олмазор Сити»ни қураётган компания (ким қураётганини биласиз-у — ҳа, ўша) Каран Ўзчивитга совға улашибди. Ўйинчоқ эмас, ҳақиқий уй. Тошкентдан. Табиийки, пропискаси билан. Совға қилинган уй ҳам, ким билсин, 380 минг доллар турса керак. «Бурак Ўзчивит ҳадяни мамнуният билан қабул қилиб, ўзбекистонлик бизнесменларга ўғли Каран номидан миннатдорлик билдирди», — дейилади интернетда тарқалган хабарларда.

 

Қойил, ўзбекистонлик бизнесменлар! Гап йўқ сизларга, ўзбекистонлик бизнесменлар! Сиздек оқил ва доно ўзбекистонлик бизнесменлар борлигидан фахрланамиз. Бурак Ўзчивит-ку бундай ажойиб-у ғаройиб ўзбекистонлик бизнесменларга дуч келиб қолгани учун Яратганга ҳар дақиқа миннатдорлик билдираётган бўлса ажаб эмас. «Йигит кишининг бошига бахт қуши бир марта қўнади, уни ушлаб қолиш керак», деган гаплар бор. Буракжоннинг узунсоч бошига бахт қушининг дода-хўжаси ин (ин ҳам гапми — Сити!) қуриб юборди лекин!

 

Албатта, ўзбекистонлик бизнесменларнинг сериали Ўзбекистонда «запрет»га тушган қаёқдаги бир турк актёрига бундай ҳиммат кўрсатиши баъзи бизнесмен бўлмаган ўзбекистонликларнинг ғашини келтириши табиий. «Ўлган бувисига янги кафан ҳам совға қилинглар!», деб жиғибийрон улардан бири. «Ўзбекистонга умуман алоқаси бўлмаган қаёқдаги Буракнинг кеча туғилган боласи ҳам пропискалик бўлди, сен эса ҳануз ўз уйингда ўзинг ижарада яшайсан, Мамарайим», деб баттар аччиқланади у.

 

Ҳай. Инсоф берсин. Ҳаммамизга.

Манба: Daryo — LIVE

Бўлишинг:

Муҳаррир танлови

Сизлар қайси сайёрада яшаяпсизлар?

Сизлар қайси сайёрада яшаяпсизлар? Ёки қайси сайёрадан келиб қолгансизлар? Нимага, қандай мантиққа асосланиб бундай – отнинг калласидек жарима миқдорларини белгилаяпсиз? 2019 ...

Тожикистонда қизини зўралаганликда гумон қилинган эркак қочишга уринганида ушланди

Сўғд вилояти ҳуқуқ тартибот идораларининг ходимлари Гулистон (собиқ Қайраққум) шаҳар прокуратурасидан сўроқ вақтида қочиб кетган, ўз қизининг номусига текканликда гумон ...

Мени сотган онамга мактуб: “ҳали мени кўп эслайсиз”

Тез-тез кўзимиз тушади: Тошкентда аёл ўз фарзандини икки минг долларга сотмоқчи бўлди... Фарзандини сотиб пулига уй олмоқчи бўлган аёл қўлга олинди... Спутник муаллифларидан ...