Бошқа мавзуларАндижон вилояти Избоскан туманида ўқитувчиларни мажбурий меҳнатга жалб қилган мактаб директори маъмурий жавобгарликка тортилди. Бу ҳақда Меҳнат вазирлиги матбуот хизмати хабар берди.
Қайд қилинишича, Давлат меҳнат инспекцияси томонидан ўтказилган текширув натижаларига кўра, мажбурий меҳнат ҳолати тасдиқланди. Андижон вилояти Избоскан тумани 7-сонли мактаб директори А.Ўрмонов Маъмурий жавобгарлик тўғрисидаги Кодекснинг 51-моддаси бўйича маъмурий жавобгарликка ва ЭКОИҲнинг 3 баробари миқдорида жаримага тортилди.
Эслатиб ўтамиз, олдинроқ инспекция Андижонда мажбурий меҳнатга жалб қилиш бўйича текширув ўтказаётгани хабар қилинганди.
“Агар мажбурий меҳнат ҳолатларига дуч келсангиз, 71-200-06-00 телефон рақамлари ёки @mehnathuquqbot телеграм боти орқали бизларга хабар беринг”, – дейилади баёнотда.
