Корея Республикаси президенти Ўзбекистонга келди

Корея Республикаси президенти Мун Чжэ Ин 18 апрель куни давлат ташрифи билан Ўзбекистонга келди. Бу ҳақда Ўзбекистон президенти матбуот хизмати хабар қилди.

Ислом Каримов номидаги Тошкент халқаро аэропортида олий мартабали меҳмонни Ўзбекистон бош вазири Абдулла Арипов кутиб олди.

Бугун Корея Республикаси президенти Ўзбекистон бош вазири ҳамроҳлигида Тошкент шаҳридаги Инҳа университетига ташриф буюриб, икки мамлакат ҳамкорлигида амалга оширилиши режалаштирилган телемедицина лойиҳаси тақдимоти билан танишади.

Ўзбекистон ва Жанубий Корея президентларининг музокаралари 19 апрель куни Кўксаройда бўлиб ўтади. Унда савдо-иқтисодий, инвестициявий, молиявий-техник ва гуманитар соҳалардаги амалий ҳамкорликни ривожлантириш истиқболлари муҳокама қилинади.

Имзолаш учун салмоқли ҳужжатлар тўплами тайёрланган. Хусусан, Ўзбекистон Республикаси билан Корея Республикаси ўртасида алоҳида стратегик шериклик тўғрисидаги декларацияни қабул қилиш режалаштирилган.

Бўлишинг:

Муҳаррир танлови

Гулнора каримова сиёсий ӯйин қурбони

ГУЛНОРА КАРИМОВА  "Бирдамлик" Халқ-демократик ҳаракатининг раҳбари Баҳодир Хон Туркистон билан суҳбат.  -- Ҳурматли Баҳодир Хон Туркистон, рости, Сизнинг сиёсий қарашларингиз ...

Мирзиёевдан ҳайфсан олган, бахтиёр абдусаматов катта миқдордаги пора билан қўлга олинди

Тошкент шаҳрининг Юнусобод тумани ҳокими Бахтиёр Абдусаматов қўлга олинди. Бу ҳақда Kun.uz нашри хабар берди. Бахтиёр Абдусаматов Хабарда  ёзилишича, Б.Абдусаматов ...

Япония ўзбекистонга $1,132 млн.лик грантлар ажратди

Япония ҳукумати “Кичик миқёсдаги ижтимоий лойиҳаларга беғараз ёрдам бериш” дастури доирасида Ўзбекистонга умумий қиймати $1,132 млн. бўлган 11 та янги грантлар ажратди. ...