Оҳангарон шассеси бўйини ободонлаштириш ишлари кутилмганда жонланиб кетди. Аввал ёзганимиздек, атрофларига тўсиқлар ўрнатилди, ўрталарига манзарали дарахт кўчатлари ўтқазилди, гуллар экилди.
Энг муҳими, узун қиш давомида тўғриланмаган «яма»ларга асфальт тўкилиб, бир зумда текисланди. Янги чизиқлар тортилиб, «зебра»лар кўзга кўринадиган тусга кирди. Анчадан буён имиллаб турган қурилишлар ҳам тезлашиб қолди.
Маҳалла аёлларининг айтишича, бунинг сабаби бор эмиш. Нима дейсизми? Шу ҳудудда чет эллик ҳамкорлар томонидан қурилаётган объектга олий мартабали меҳмон келиши кутилаётганиш.
Ўша меҳмон кўча юзидаги маҳалламизга ҳам бир кириб ўтса бўларди-да, дейди бу хотинлар. Ҳар йили икки-уч марта ковланавериб, абжағи чиқиб кетган ички йўлларимиз ҳам асфальтланиб қолармиди?!