Бошқа мавзулар2019 йилнинг дастлабки уч ойи давомида енгил автомобиллар импорти 100 млн доллардан ошди. Бу ҳақда Давлат статистика қўмитасига таяниб “Соф.уз” сайти ёзмоқда.
Январь-март ойларида Ўзбекистонга 106,4 млн долларлик автомобиллар импорт қилинган. Бу ўтган йилнинг шу даврига нисбатан қарийб 2,2 баравар кўп. Таққослаш учун: 2018 йил давомида енгил автомобиллар импорти 319 миллион долларни ташкил этган эди. Бу даврда юк автомобиллар импорти фақатгина 51,6 фоизга ошди.
Чет эл автомобиллари импортининг ўсиши айнан январь ойида қимматбаҳо хорижий машиналарни олиб кириш енгиллаштирилгани билан боғлиқ. Агар автомобиль 40 минг доллар ёки ундан қимматроқ турса ва ишлаб чиқарилган санасидан икки йил ўтмаган бўлса, унда унга ноль ставкали бож ва 20% акциз солиғи қўлланилади.
