Хорижлик ватандошларга виза бериш ва вақтинча прописка қилиш тартиби белгиланди

МваФР бўлинмаси 3 иш кунида ҳужжатларни текширади. Сўнг аризани келишиш учун ваколатли органга юборади.

Ҳукумат қарори билан “Хорижда истиқомат қилаётган ватандошлар ва уларнинг оила аъзоларини Ўзбекистон Республикасига таклиф қилишни расмийлаштириш, кўп марталик кириш визаларини бериш ҳамда уларни ички ишлар органлари томонидан вақтинча прописка қилиш тартиби тўғрисида”ги низом тасдиқланди. Бу ҳақида “Ҳуқуқий ахборот” канали маълум қилди.

 

Низомга мувофиқ, ватандошларни Ўзбекистонга таклиф қилиш учун миграция ва фуқароликни расмийлаштириш бошқармаларига, шаҳар бўлимларига (МваФР) қуйидагилар тақдим этилади:

 

 ариза-анкета;

– таклиф қилувчининг паспорти;

– ватандошнинг шахсини тасдиқловчи ҳужжат;

– таклиф қилувчининг ватандош билан қариндошлигини тасдиқловчи ҳужжат;

– ватандош Ўзбекистонга оила аъзолари билан келмоқчи бўлса, уларнинг шахсини ва қариндошлигини тасдиқловчи ҳужжатлар;

– таклиф қилувчининг 3,5х4,5 икки дона расми;

– давлат божи тўланганлиги ҳақида квитанция (20 минг 273 сўм).

 

МваФР бўлинмаси 3 иш кунида ҳужжатларни текширади. Сўнг аризани келишиш учун ваколатли органга юборади.

 

МваФР ваколатли орган билан келишганидан ва ижобий қарор қабул қилганидан сўнг таклифнома тўлдирилади ва таклиф қилувчига берилади.

 

Таклиф қилиш ҳақидаги ҳужжатларни кўриб чиқиш муддати 15 иш кунидан ошмаслиги лозим.

 

Таклифнома 3 ой амал қилади ва у кириш визаларини расмийлаштириш учун Ташқи ишлар вазирлигининг Консуллик-ҳуқуқий департаменти ёки вазирликнинг ҳудудий бўлинмаларига қуйидаги ҳужжатлар билан берилади:

 

 виза талаби;

– e-visa.mfa.uz сайти орқали олинган электрон анкета;

– ватандошнинг шахсини тасдиқловчи ҳужжат;

– кириш визалари Тошкент халқаро аэропортида олиниши мўлжалланган ҳолатларда – авиачипта ёки брон нусхалари;

– давлат божи тўланганлиги ҳақида квитанция (300 АҚШ доллари).

 

Таъкидланишича, ҳужжатлар 5 иш кунида кўриб чиқилади ва амал қилиш муддати 2 йил бўлган кўп марталик “VTD” кириш визалари берилади.

 

Бўлишинг:

Муҳаррир танлови

Қатардаги 2022 йилги жаҳон чемпионатининг расмий логотипи тақдим этилди

Қатар вақти билан 20:22да ЖЧ-2022'нинг расмий эмблемаси (логотипи) тақдим этилди. Унинг тақдимоти эса бир вақтнинг ўзида Буюк Британия, АҚШ, Россия, Испания, Аргентина, ...

Ўзбекистон ва тожикистон фуқаролар учун 30 кунлик визасиз режим жорий қилади

Тожикистон ва Ўзбекистон президентларининг Душанбеда бўлиб ўтган музокаралари якунида икки мамлакат фуқаролари учун 30 кунлик визасиз режим жорий этилиши борасидаги Келишув ...

Россия ақшнинг эрон бўйича қароридан “жуда ҳафсаласи пир бўлди”

Россия ТИВ АҚШ президенти Дональд Трамп Эрон ядро дастури бўйича биргаликдаги ҳар томонлама ҳаракатлар режаси (БҲТҲР) бўйича мажбуриятларни бажаришдан бир томонлама тартибда ...