Ўзбекистонда уруш қатнашчиларига 7,5 миллион сўмдан пул мукофоти берилади

9 май муносабати билан Иккинчи жаҳон уруши қатнашчиларига 7,5 миллион сўмдан бир марталик пул мукофоти берилади. Бош вазир Абдулла Арипов 24 апрелда ўтган селектор йиғилишида ҳокимларга топшириқ берган, деб ёзади  “Minbar”сайти.

Тошкент вилояти ҳокимлиги матбуот котиби Беҳзод Қобуловнинг маълум қилишича, хизмат бурчини ўташ чоғида вафот этган ҳарбийларнинг оилаларига Мудофаа вазирлиги 2 млн. сўмдан пул беради.

“Айни пайтда мамлакатимизда 878 нафар уруш қатнашчиси яшаяпти. Уларнинг ҳар бирига 7,5 миллион сўм нақд пул берилади. Иккинчи жаҳон уруши қатнашчиларининг ҳар бирига патронаж ҳамшира бириктирилади. Патронаж ҳамшира бириктирилганда уларнинг билими ва муомала маданиятига алоҳида эътибор бериш зарур. Патронажлар учун маҳаллий эмас, балки республика бюджетидан маблағ ажратамиз, шуни ҳисобга олинглар”, – деган бош вазир.

Уруш қатнашчиларига 2017 йилда 2 млн., 2018 йилда 5 млн. сўмдан мукофот берилган. Уруш қатнашчилари сони ўтган йили 1168 нафар эди, бу йил 878 нафар қолган.

Шунингдек, бош вазир йиғилишда Георгий лентасини кескин танқид қилган. “Facebook”да Ўзбекистон байроғи акс этган челленж уюштириш, унга таниқли эстрада хонандалари, спортчилар, сўз усталари, зиёлиларни жалб этиш топшириғи берилган.

Бош вазир топшириғига кўра миллий байроқ акс этган 100 минг нусхадан зиёд лента тарқатилади.

 

Бўлишинг:

Муҳаррир танлови

Ўзбекистон “қора бозори”да доллар 8200 сўмдан ошди

  май 27, 2017 Ўзбекистон "қора бозор"ида 1 АҚШ долларининг нархи 8200 сўмдан ошди. Озодлик мобил мухбирига кўра, Тошкентнинг йирик бозорларида 27 май куни бир доллар ...

Каримовнинг куёви давлатга миллиардлаб сўм тўламагани шаъма қилинди

Президент Мирзиёевнинг матбуот хизмати Facebookдаги саҳифасида Тошкентдаги "Абу Сахий" бозорида давлатга бир ойда 14 баробар кам тушум тушганини маълум қилди. Айни дамда ...

Ўзбекистонда ойлик ва нафақалар 1 ноябрдан оширилади

Ўзбекистон президенти Шавкат Мирзиёев 13 октябрь куни иш ҳақи, пенсиялар, стипендиялар ва нафақалар миқдорини ошириш тўғрисидаги фармонни имзолади. Унга кўра, 1 ноябридан ...