Андижон туманига «пичоққа илинадиган раҳбар йўқ»лиги учун вилоят халқ таълими бошқармаси бошлиғи муваққат ҳоким бўлди

Андижон вилояти Халқ таълими бошқармаси бошлиғи Фурқатбек Бузруков Андижон тумани ҳокими вазифасини бажарувчи сифатида иш бошлаган. Бу ҳақда, «Xabar.uz» асосланиб, “Дарё” нашри ёзмоқда.

Фурқатбек Бузруковнинг Андижон тумани жамоатчилигига вилоят ҳокимининг биринчи ўринбосари Абдужаббор Эгамбердиев таништирган. Айни вақтда, ушбу туманга етти йил раҳбарлик қилган Улуғбек Исомиддиновнинг ўз вазифасидан озод этилгани ҳақида расмий маълум йўқ.

Норасмий маълумотларга кўра, Андижон вилояти ҳокими Шуҳрат Абдураҳмонов йиғилишларнинг бирида Улуғбек Исомиддинов айни пайтда бетоблиги, саломатлигини тиклаб олгач, яна вазифасини давом эттиришини маълум қилган.

«Исомиддиновга саломатлик тилаган ҳолда айтамизки, раҳбар одам бирор сабаб билан вазифасини давом эттира олмаса, унинг ишини муовинлари бири вақтинча адо этади одатда. Андижон туман ҳокимининг бир эмас, бир неча ўринбосари борлигига қарамай туманга раҳбарлик қилиш вилоят халқ таълими бошқармаси бошлиғига юклатилгани бироз ажабланарли, албатта. Манбамизга кўра, бу ҳолатни вилоят раҳбарияти ‘пичоққа илинадиган’ кадр йўқлиги билан изоҳлашган», — деб ёзади «Xabar.uz».

Аввалроқ, 2019 йил мартида Андижон вилояти ҳокимлиги нашри — «Андижоннома»да Андижон тумани ҳокими Улуғбек Исомиддинов ҳақида катта танқидий мақола эълон қилинган эди.

 

Бўлишинг:

Муҳаррир танлови

Жаҳонги позилжонов ва жамоаси ўзбекларни шарманда қиляпти

Мен шахсан унинг "Селфи" деган клипидан уялдим. Болаларини қўшибди, президентни қўшибди ва шармандалик маршини куйлабди. Бунақа ялтоқланиш билан нафақат ўзи, Ўзбекистон ...

Қирғизистонда сайлов: ўзбекистон учун қайси номзод ғалабаси маъқул?

Қўшни Қирғизистон Республикасида бугун, 15 октябрь куни президентлик сайлови бўлиб ўтмоқда. 11 нафар номзод президентлик даъвогар, улардан 3 нафари, Омурбек Бабанов, ...

Навоий шаҳрида кучли ёнғин содир бўлди

19 октябрь куни Навоий шаҳридаги 1 ва 2- гуруҳ ногиронлари истиқомат қилаётган хонадонда кучли ёнғин чиқиб, қўшни хонадонларга ҳам ўтди. Бу ҳақда “Халқ сўзи “ нашри хабар ...