Ўзбекистонда ғалла тўлиқ ўриб олинмагунча комбайнларнинг фермер даласидан чиқиб кетишига йўл қўйилмайди

Ҳукумат қарори (357-сон, 26.04.2019 й.) билан Қишлоқ хўжалиги корхоналари томонидан етиштирилган бошоқли дон экинлари ҳосилдорлиги ва ялпи ҳосилини аниқлаш тартиби тўғрисидаги низом тасдиқланди. Бу ҳақда телеграмдаги “Ҳуқуқий ахборот”  канали ёзмоқда.

Низомга мувофиқ, туман ҳокими қарори билан ғалла йиғимини ташкил этиш ҳамда бошоқли дон ялпи ҳосили ва ҳосилдорлигини аниқлаш мақсадида ўрим-йиғим отрядлари тузилади.

Ғалла тўлиқ ўриб олинмагунча комбайнларнинг фермер даласидан чиқиб кетишига йўл қўйилмайди.

Ўрим-йиғим бошланишидан олдин 41 центнер ва ундан юқори ҳосил тўплаш ҳақида хулоса берилган корхоналарга дастлабки босқичда топширилган дон қийматининг 100 фоизи миқдорида ҳисоб-китоб қилинади.

Қолган корхоналар учун эса 85 фоизи миқдорида ҳисоб-китоб қилинади.

Ҳисоб-китоб қилишда ҳосилдорлик 41 центнер ва ундан юқори бўлганда устама, 40 центнердан кам бўлганида эса чегирма қўлланилади.

Ҳужжат ҳақидаги тўлиқ маълумот билан www.lex.uz сайти орқали танишиш мумкин.

Бўлишинг:

Муҳаррир танлови

Ўзбекистонда тўхташ чизиғини босиб кирганлик учун жарима пасайтирилди

Ўзбекистон Республикасининг Маъмурий жавобгарлик тўғрисидаги кодексининг 1284-моддаси (Транспорт воситалари ҳайдовчиларининг светофорнинг тақиқловчи сигналига ёки йўл ...

Истеъмол минимуми

Истеъмол минимуми (рус тилидан “прожиточный минимум” – шундай мазмунда таржима қилинди-тахр.ufq.uz) инсон танасининг нормал ишлашини таъминлаш ва унинг соғлиғини, озиқ-овқат ...

“тожик эйр” 431 тобутни бепул келтирди

Тожикистоннинг миллий авиакомпанияси “Тожик Эйр” 2017 йилда жаҳонинг олтида давлатидан 431 та юртдошлар тобутини Тожикистонга бепул келтирган. (more…)