Шерзод Хаджизадаев ишдан олинди

Тошкент шаҳри ҳокимининг иқтисодиёт ва тадбиркорлик масалалари бўйича биринчи ўринбосари Шерзод Рафатович Хаджизадаев лавозимдан озод этилди. Бу ҳақда Тошкент шаҳар ҳокимиятига таяниб “Kun.uz” сайти ёзмоқда.

Маълумотларга кўра, Шерзод Хаджизадаев 2 май куни президент раислигида ўтказилган видеоселектор йиғилиши давомида ишдан олинган. У ёш оилаларга имтиёзли кредитлар ажратиш ва кредитларни ўзлаштириш дастурларини амалга ошириш бўйича талаб даражасида ишлар олиб бормагани учун ишдан кетган.

2 май куни Шавкат Мирзиёев раислигида «Ҳар бир оила – тадбиркор» дастури ижросини сифатли ташкил этиш, аҳолини тадбиркорликка кенг жалб қилиш борасидаги ишлар таҳлилига бағишлаб ўтказилган видеоселектор йиғилиши ўтказилди.

Президент матбуот хизмати хабарига кўра, «Ҳар бир оила — тадбиркор» дастури ижроси жойларда мутлақо қониқарсиз ташкил этилган учун республика комиссияси раҳбарлари, Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари ҳамда Марказий банк ҳудудий бошқармалари раҳбарлари огоҳлантирилди.

Маълумот учун, Шерзод Хаджизадаев (1973 й. т.) 2018 йил 4 октябрь куни Тошкент ҳокимининг биринчи ўринбосари лавозимига тайинланган эди.

2010 йилдан 2017 йилгача «Трастбанк» раҳбари раҳбари бўлган Хаджизадаев 2017 йил апрелидан 2018 йил кузигача  Марказий банк раиси ўринбосари сифатида фаолият кўрсатган.

 

Бўлишинг:

Муҳаррир танлови

“”давлатга қарши чиқаяпсан”, деб устимдан ариза қилиб кетишди”

    ​ "Фарғона вилояти Боғдод туманидан ёзмоқдаман. Мен Боғдод туманининг Бўстон даҳасидаги кўп қаватли уйда яшайман. Уй сотиб олганимга ва кўчганимга ҳеч қанча ...

Ўзбекистон телевидениесида рашид қодиров ҳақида ҳужжатли кўрсатув тайёр бўлди

Мазкур кўрсатув орқали Рашид Қодировнинг коррупционерлик ишлари, прокуратура фаолияти давомида содир этган жиноятлари тафсилотлари оммага ошкор бўлади, деб ёзади  “Зарафшон” ...

Кеча бутун дунё бўйлаб facebook ва instagram ишида узилишлар кузатилди

Жаҳоннинг кўплаб давлатларида Facebook ва Instagram ижтимоий тармоқлари ишида узилишлар кузатилган. Бу ҳақда оммавий ахборот воситалари ва ижтимоий тармоқлар ...