Россияда ўзбекистонлик талаба патент олмай кечки вақтда гипермаркетда сотувчи бўлиб ишлагани учун қўлга олинди

2019 йилнинг 2 май куни ОАВда Россия гидрометерология университети 2-босқич талабаси, Ўзбекистон фуқароси М.Йўлдошевнинг қўлга олинганлиги тўғрисида хабарлар пайдо бўлди. 

ТИВ хабарига кўра, М.Йўлдошев ишлаш учун рухсатнома (патент) олмай кечки вақтда гипермаркетда сотувчи бўлиб ишлаган. 30 апрель кечаси харидорга устаранинг қандай ишлашини кўрсатаётганда, устара учи чиқиб кетган ва харидор кўзига теккан. Харидорни касалхонага, ҳамюртимизни қўлга олиб полиция бўлимига олиб кетишган.

Туман судида М.Йўлдошевга 5000 рубль миқдорида жарима белгилаш ва Россия ҳудудидан маъмурий чиқариб юбориш тўғрисида қарор қабул қилинган. Айни пайтда М.Йўлдошевга нисбатан Россия Федерацияси Жиноят кодекси 291-модда 3-банди (мансабдор шахсга пора бериш) бўйича жиноий иш ҳам текширилмоқда.

2 май куни мазкур вазият мамлакатнинг Санкт-Петербург шаҳридаги Бош консулхонаси томонидан назоратга олинган.

Консуллик-ҳуқуқий департаменти эслатишича, Россиянинг Шимоли-ғарбий федерал округи (Архангелск области, Калининград области, Карелия Республикаси, Коми Республикаси, Ленинград области, Мурманск области, Ненец автоном округи, Новгород области, Псков области, Санкт-Петербург шаҳри, Вологда области) ҳудудида жойлашган фуқаролар зарур вазиятларда мамлакатнинг Санкт-Петербург шаҳридаги бош консулхонасига қуйидаги телефон рақами орқали мурожаат қилишлари мумкин: +7-965-029-41-49.

 

Бўлишинг:

Муҳаррир танлови

Японияда йигит ичида 70 киши бўлган студияни ёқиб юборди: 33 киши қурбон бўлди

Япониянинг Киото шаҳрида жойлашган анимацион студиялардан бирида ёнғин оқибатида қурбонлар сони 33 кишига етди. “Euronews”нинг маълум қилишича яна 36 киши жабрланган. Студия ...

“пенсияни олиш учун қариялар ерда ўтириб, навбат кутмоқда”

  "Мен сизга Наманган вилояти Тўрақўрғон туманидан пенсиялар масаласида ёзмоқдаман. Менинг саволим бор. Пенсиялар уйга тарқатилиши керакми ёки қариялар навбатда туриб, ўзи ...

Ўқитувчилар пахта теримига “ҳар ҳолда” тайёр туриши ҳақида огоҳлантирилди

  Ўзбекистон Бандлик ва меҳнат муносабатлари вазирлиги ва вилоят ҳокимларининг бу йил ўқитувчи ва шифокорлар пахта теримига чиқарилмайди, деган баёнотидан сўнг ҳам ...