Туркманистонда озиқ-овқат тақчиллиги кучаймоқда

Туркманистонда озиқ-овқат тақчиллиги бошлангани айтилаëтган бир пайтда¸ мамлакат президенти Туркманистоннинг буғдой экспорт қилувчи давлатга айлангани ҳақида баëнот қилди. “Олтин аср” нашрининг ëзишича¸ президент Гурбангули Бердимуҳаммедов 15 май куни ҳукумат мажлисида мамлакатда буғдойдан рекорд ҳосил олингани ҳақида гапирган.

Бердимуҳаммедов шунингдек мамлакатда озиқ-овқат мўл-кўлчилиги учун кенг кўламли чоралар кўрилганини ҳам билдирган.

Туркман президентининг бу баëнотлари билан айни пайтда мамлакат бўйлаб аҳолига асосий озиқ-овқат маҳсулотларини карточка тизимида тарқатиш жорий этилди.

Озиқ-овқат тақчиллиги ортидан бу маҳсулотлар нархи кескин кўтарилиб кетган ва ҳукумат нон¸ ун¸ ўсимлик ëғи ва тухумни жон бошига қараб тарқатишга ўтди. Хабарларга кўра¸ ҳукумат оила бошига бир ойда 50 килограмм ун бериш тартибини жорий қилган.

Туркманистон бозорларида бир қоп ун нархи¸ айтилишича 60 доллар атрофида ва бу ҳукумат дўконларида тарқатилаëтган ундан тўрт баравар қимматдир.

Манба:Соф.уз

 

Бўлишинг:

Муҳаррир танлови

Наргиза раҳимова динни ҳақорат қилмади. шошилиб хулоса қилиш керак эмас.

Бу жанжалдан мендан яхшироқ хабардор бўлсанглар керак. Жанжалли мавзуларда ягона ҳақ тараф бўлмайди, шунга ўзимни бу мавзулардан четда тутадиган бўлганман. Аммо Наргиза опани ...

Дунёда ҳар 40 сонияда бир киши ўз жонига қасд қиляпти

БМТ маълумотига кўра, дунё бўйлаб ҳар 40 сонияда бир киши ўз жонига қасд қиляпти. Мутахассислар бунинг энг асосий сабабларидан бири сифатида ичкиликбозликни тилга олмоқда. Ўз ...

Тожикистонлик аёл эри россиядан қайтишини истаб ўғлининг танасига 10та игна санчди

Тожикистонда аёл бир ёшли ўғлининг баданига атайлаб 10та игна санчди, у шу тариқа Россияда юрган эрини қайтармоқчи бўлган. (more…)