Тожикистондаги қамоқхонада ғалаён, 29 нафар маҳбус ҳалок бўлди

19 май, якшанба куни кечқурун Душанбе шаҳридан 15 километр жануби-шарқда жойлашган Вахдат шаҳридаги қаттиқ режимдаги колонияда юз берган ғалаён оқибатида уч нафар қўриқчи ва 29 нафар маҳбус ўлдирилди. Бу ҳақда Тожикистон адлия вазири ўринбосари, Жазони ижро этиш бош бошқармаси бошлиғи Мансуржон Умаров РИА Новости’га хабар қилган.

«Ғалаён давомида колониянинг уч нафар назоратчиси ва 29 нафар маҳбус ўлдирилди. Шу билан бирга, уларнинг саккиз нафари маҳбусларнинг ўзи томонидан ўлдирилган», – деди у.

Тожикистон Адлия вазирлиги хабар беришича, 19 май куни соат 20:30да Вахдат шаҳридаги 3-сонли қаттиқ тартибли колония – «Ғишт зонаси»да маҳбуслар томонидан ғалаён келтириб чиқарилган.

«Адлия вазирлигининг Жиноий жазоларни ижро этиш бош бошқармасига қарашли, Вахдат шаҳридаги 3/2-сонли ахлоқ тузатиш колониясида бўлган ИШИД террорчилик ташкилотининг 30 нафар ўта хавфли тарафдори пичоқ ва тиғли буюмлар билан қуролланиб колония 3 нафар ходимини гаровга олишди ва ўлдиришди. Улар қамоқхонадан қочишга уринишган», – дейилади матбуот учун хабарномада.

Бу колония Тожикистон Адлия вазирлигининг Жазони ижро этиш бош бошқармаси тасарруфига киради, унда қарийб 1500 маҳбус сақланади.

 

Бўлишинг:

Муҳаррир танлови

Ўзбекистон: ҳокимиятни танқид қилган наманганлик депутат қамоққа олинди

Facebookда танқидий чиқишлари билан машҳур Наманган вилоят кенгаши депутати Олимжон Тўхтаназаровга жиноий иш очилди. У 22 сентябр куни "фирибгарлик" ва "пора бериш" айби ...

Бу ҳали бошланиши

  Ҳурматли “Мулкдор” Интернет газета - сайтимизнинг доимий ўқувчилари ва доимий бўлмасада, сайтимизга вақти-вақти билан ташриф буюриб турувчи азиз замондошлар, сайёрадошлар! ...

Истанбулда 3,5 миллиард долларлик битимлар имзоланди

Ўзбекистон Республикаси Президенти Шавкат Мирзиёев Туркия Республикаси Президенти Ражаб Тоййиб Эрдўғаннинг таклифига биноан 2017 йил 25-26 октябрь кунлари давлат ташрифи ...