Қозоғистонда юз берган ЙТҲда тўрт ўзбекистонлик жабрланди, улардан бири — реанимацияда

19 май куни тахминан соат 18.00да Қозоғистоннинг Манғистау вилояти «Бейнеу-Тажен» автомагистралининг 82-километрида ичида 7 та одам, жумладан 4 нафар Ўзбекистон фуқароси жойлашган «Лада Ларгус» енгил автомобили иштирокида йўл-транспорт ҳодисаси содир бўлди. Ташқи ишлар вазирлиги Ўзбекистоннинг Қозоғистондаги элчихонаси маълумотига таяниб хабар қилди.

ЙТҲ оқибатида воқеа жойида Туркия фуқароси вафот этди, қолганлар Бейнеу туман касалхонасига жойлаштирилди. Айни пайтда Ўзбекистон фуқароси Аширов Бобомурад Базарбаевич (1991 й.да туғилган) мазкур тиббий муассасанинг жонлантириш бўлимида қолмоқда. Қолган жароҳатланганларга, жумладан Ўзбекистон фуқаролари Аширов Дурдимурад Базарбаевич (1990) Шавхумов Каримбай Юлдашевич (1980) ва Гошаров Хайитмурад Атажановичга (1984) касалхонадан рухсат берилди.

Бейнеу тумани полиция бўлими томонидан мазкур масала ўрганилмоқда.

Жароҳатланган фуқароларга амалий кўмак бериш, жумладан Б.Ашировга сифатли тиббий ёрдам кўрсатиш учун элчихона Манғистау вилояти ва Бейнеу тумани маъмурияти билан алоқа ўрнатди. Айни пайтда фуқароларни Ўзбекистонга қайтариш бўйича чоралар кўрилмоқда.

 

Бўлишинг:

Муҳаррир танлови

Қачонгача тажриба қуёнчаси бўламиз?!

Хат-саводим кирилл алифбосида чиққанини бахтим, деб биламан. Тажриба қуёнчасига айланган укаларим, жиянларимга ачинаман. Бу жараён ҳамон давом этиб, янги авлод -- ...

Косонсойда фермернинг 23 ёшли ўғли ҳокимликнинг мажлисидан сўнг ўз жонига қасд қилди

Наманган вилоят, Косонсой туманидаги Қўқимбой қишлоғида яшаган 23 яшар Ш.А. 9 январь куни ўз уйининг молхонасида осилган ҳолда топилган. Иллюстратив фото Ш.А лицейни ...

Она тилимизга нега бефарқ бўлиб қолдик?

Яқиндагина ижтимоий тармоқларда айрим қўштирноқ остидаги зиёлиларимизнинг она тилимизга бўлган салбий муносабати кенг муҳокама қилинди. тилимизнинг мавқеини кўтариш учун ...