Хат-саводим кирилл алифбосида чиққанини бахтим, деб биламан. Тажриба қуёнчасига айланган укаларим, жиянларимга ачинаман. Бу жараён ҳамон давом этиб, янги авлод — фарзандларимизниям саводсиз қилинаётганига эса тоқат қилиб бўлмайди.
Ҳамма билдираётган эътирозга юз фоиз қўшиламан. Нима, «нг» товушини йўқотиб, ўзбекона талаффуздан расман воз кечамизми? Шундоқ ҳам шоу юлдузлари-ю, экран маликалари «боринг» ўрнига «борин» деб асабларни эговлаётганди.
«Ц»-чи?! Ўзбек тилида шу ҳарф ишлатиладиган сўз бормикан? Афтидан, бу кўпроқ оғаларга садоқат намунасидек туюляпти, менга.
Ленталарда худди шу икки ўзгаришга фақат салбий муносабат ўқияпман. Аммо халқ фикрини инобатга олинишига кўзим етмайди. Худди кундузи чироқ ёқиб юришга билдирилган эътироздек шунчаки бепарво қаралса керак.
Халқ «инновация»ларни ҳазм қилишга мажбур.
Манба:Холис фикр