Ўзбекистонликлар энди Россияда таксичилик қила олмайди

Россия давлат Думасида иккинчи марта ўқилишда қабул қилинган қонунга кўра, бундан буён Россияда чет эл капиталига ёки чет эл капитали билан шерикликда аҳолига такси хизматлари кўрсатадиган корхоналар очиб, ишлатиб бўлмайди. Борлари ҳам ёпилади. Янги қонунга кўра, такси хизмати кўрсатадиган фирма фақат Россия фуқароси номига ва Россия фуқароси капитали ҳисобидан очилган бўлиши шарт. Бу ҳақда Думадаги транспорт ва қурилиш қўмитаси раҳбари Евгений Москвичев маълум қилди, деб ёзади “Зарафшон” нашри.

Унинг сўзларига кўра, энди такси фаолияти билан шуғулланадиган фирма Россия капитали ҳисобидан, фақат Россия фуқароси номига очилади. Шунингдек, энди Россия фуқароси бўлмаган шахслар таксичи бўлиб ишлай олмайдилар.

Кўпчиликка маълум, бугун Россиянинг турли шаҳарларида юртдошларимиз таксичилик билан шуғулланадилар. Янги қонунга кўра энди улар таксичилик билан шуғулланиш учун Россия паспортини олишлари керак. Акс ҳолда бошқа иш қидиришларига тўғри келади.

Яна бир ўзгариш бу машиналарнинг ҳолати бўйича бўлди. Энди қонунга кўра ишлаб чиқарилганига 7 йилдан ошган машиналарда такси фаолияти билан шуғулланиб бўлмайди.

“Бу ўзгаришдан мақсад мижозларга қулай ва сифатли хизмат қилишдир” дейди, Москивичев.

 

Бўлишинг:

Муҳаррир танлови

Кўрдик, бор кўргулик ўтди юракдан

Дунё бир уммон мисоли шиддатли ўзгаришлар домида қолаётган айни пайтларда кишилик жамиятларида содир бўлаётган ҳар бир хоҳ у эътиборга молик, хоҳ номолик бўлсин шарҳланишга, ...

Би-би-си меҳмони – ўзбекистон иқтисодиёти бўйича эксперт шермуҳаммад абдуллазода

Шермуҳаммад Абдуллазода Ўзбекистонда солиқ ва молия соҳалари бўйича узоқ йиллар ишлаган. Шермуҳаммад Абдуллазода 1966 йилда Самарқанд шаҳрида туғилган. Ўрта мактабни олтин ...

Эрондаги норозиликнинг бешинчи куни

«Эронда ижтимоий, иқтисодий аҳволларга нисбатан норозилик намойишлари бошланиб, ҳукумат бошқарувига қарши шиор билан чиққан бир қанча инсонлар вафот этган. Норозилик акцияси ...