Тахминан 48 фоиз россияликнинг иқтисодий ҳолати фақат озиқ-овқат ва кийим сотиб олишга етади. Уларга бошқа каттароқ нарсаларга нисбатан тўлоқ қобилияти йўқ. Бу ҳақда Росстат таҳлилларига асосланиб, РБК ёзмоқда.
Таъкидланишича, бу каби оилалар ўзларига мебель, маиший техника, смартфон ва ҳоказо буюмларни сотиб олиш имконига эга эмас.
Росстат маълумотига кўра, кўпроқ ёш оилалар ва зарур иш стажига эга бўлмаган пенсионерлар мазкур муаммога кўпроқ дуч келмоқда.
Шунингдек, 15 фоиз россияликлар фақат зарур озиқ-овқатларни сотиб олиб, кийим-кечак ва коммунал тўловларни тўлашда қийинчиликка учрайди.
Аввалроқ, Россиядаги бор пул-маблағ бойликнинг қарийб саксон фоизи аҳолининг икки фоизини ташкил этувчи қатламга ўтгани хусусида хабар берилган эди.