Ўзбекистон Украинага картошка экспорт қилишни бошлади

Ўзбекистон Украинага эртапишар картошканинг улгуржи партияларини экспорт қила бошлади. Бу ҳақда EastFruit портали маълумотига асосланиб “Кун.уз” ёзмоқда.

Ушбу маҳсулотнинг улгуржи нархи бир килограмм учун 15-17 гривна (бир килограммга 57-64 цент) бўлиб, у яхши сифатга эга. Бироқ, бозор иштирокчиларининг таъкидлашича, ўзбек картошкалари ҳозирда жуда қийинчилик билан сотилмоқда, сабаби Украина эрта картошкаси бўйича таклифлар рақобатбардош нархларда тобора кўпайиб боряпти.

Бундан ташқари, Украина эртапишар маҳсулотининг сифати ўзбек картошкасига қараганда юқорироқ, чунки Украина картошкаси йиғиб олинганидан сўнг дарҳол харидорларга етказиб берилади.

EastFruit экспертларининг қайд этишича, Украина бундан аввал ўзбек картошкасини ҳеч қачон импорт қилмаган, сабаби Ўзбекистоннинг ўзи картошка асосий импортчиси саналади. Ўзбекистонда йилига 150-300 минг тоннагача картошка импорт қилиб, дунёдаги энг йирик импортёрларнинг йигирматалигига киради.

Украина ва ЕИда пиёз бўйича кузатилаётган катта тақчиллик Ўзбекистондан картошка олиб киришни бошлашга туртки берди. Мамлакат Марказий Осиёдан пиёз олиб киришни йўлга қўйди: Қозоғистон, Ўзбекистон, Тожикистон ва Қирғизистондан Украинага.

Бўлишинг:

Муҳаррир танлови

Ўзини осган мардикор йигитнинг жасади уч кундан сўнг молхонадан топилди

Самарқанд вилоятининг Пахтачи туманидаги Гулшан маҳалласида яшаган 24 яшар Жаҳонгир Облоқулов 3 июнь куни иш излаб кетяпман деб уйдан чиққан ва молхонага кириб ўзини осган. ...

Бмт: украиналик қочқинлар сони 4 миллиондан ошди

Бирлашган Миллатлар Ташкилотининг ҳисоб-китобларига кўра, Россия Украинага бостириб кирганидан кейин 4 миллиондан ортиқ украиналик мамлакатни тарк этган. 29-март ҳолатига ...

Топталаётган ҳақиқат қачон тикланади?

Зафар Хандамов Биз янги даврда, XXI асрнинг 18-йилида яшаяпмиз. СССР таркибидан чиққанимизга, Мустақил бўлганимизга чорак асрдан кўп вақт ўтди. Сиёсатчилар, иқтисодчилар ва ...