Самарқандда МИБ ходими 600 доллар пора билан қўлга тушди

Фарид Абдуллаев Ўзбекистон Республикаси бош прокуратураси ҳузуридаги мажбурий ижро бюроси Самарқанд тумани бўлимида энергия ресурслари ва сувдан фойдаланиш тартибини назорат қилиш шўъбаси инспектори вазифасида ишлаб келаётган эди. 


У Самарқанд тумани Юқори қайнама маҳалласидаги Ибрагимовларга қарздорлиги борлигини айтади ва далолатнома тузишини айтиб қўрқитади. Қарздорлик 15-16 миллион сўм экани айтилади. Бунча пулни тўлашга қурби етмаган фуқаро тегишли ташкилотларга бориб, суриштиради. Натижада қарздорлик йўқлиги аниқланади.

Ундирувчи ва тўловчи яна учрашади. Ибрагимов бу пулни тўлай олмаслигини билдиргач, Фарид Абдуллаев 600 АҚШ доллари эвазига барча қарздорлик ва далолатномаларни йўқ қилиб беришини айтади. Акс-ҳолда қарздорлик МИБга ўтказилиши билан таҳдид қилади. Абдуллаев ҳатто 500 долларга ҳам кўнмайди. Унинг айтишича, «ўзининг ҳаражатлари» ҳам бор экан.

Якунда эса у ҳуқуқ-тартибот ходимлари томонидан қўлга олинди. Абдуллаев судда ўз айбини тан олди. Суд уни уч йил озодликдан маҳрум этди. Шу билан биргаликда бир йил МИБ тизимида ишлаш ҳуқуқидан ҳам маҳрум этилди.

Бўлишинг:

Муҳаррир танлови

Аҳоли хонадонларидаги газ тармоқлари ҳамда газда ишловчи қурилма ва ускуналар техник тафтишдан ўтказилади

Аҳоли хонадонларида иситиш тизими ва ёқилғи маҳсулотларидан фойдаланишда хавфсизлик талабларига риоя этилишини таъминлаш чора-тадбирлари тўғрисидаги Ҳукумат қарори қабул ...

Сирдарёда теримчи аёлларни олиб кетаётган тиркама ағдарилиб кетди

Сирдарё вилоятининг Мирзаобод туманида 25 октябрь куни тракторга уланган тиркама ағдарилиб кетган. Бу вақтда тиркамада 28 киши бўлган. Мазкур ҳодисада жабрланганлар ...

Нуруллоҳ муҳаммад рауфхон (нурулло отахонов)нинг “бу кунлар ” асари ҳақида

Менинг ёзувчи Нуруллоҳ Муҳаммад Рауфхон (Нурилло Отахонов)нинг “Бу кунлар” китобига боғлиқ ушбу фикр-мулоҳазаларим жамиятимизда бошланган янги ўзгаришларга бўлган ишончимдан, ...