Мақсад коррупцияни йўқотишми ёки бошланғич таълимни тижоратлаштириш?

Янги ўқув йилидан 1-синфга бошқа микроҳудуддан қабул қилинадиган болалар учун ота-оналардан бир марталик тўлов олиш тартиби жорий қилинаётгани қулоғингизга чалинган бўлса керак. Дарёчиларнинг таъбири билан айтганда, Тошкентдаги талабгир 75 мактабнинг, «ставка»лари пайдо бўлди. Улар беш категорияга бўлинган.

Бир қарашда, мақсад зўр, ҳатто, эзгуликка қаратилган, дейиш мумкин. Чунки бу саъй-ҳаракатлар мактабларда коррупция ҳолатларини йўқотишга қаратилгани иддао қилинмоқда. Сизнингча, коррупцияга қарши курашишдан кўра, бошланғич таълимни тижоратлаштиришга тортиб кетмаяптими? Наҳот, пулга боғланмайдиган, самарали бошқа усуллар қолмаган?!

Бу гапимдан мени қолоқликда айблаб, халқаро тажрибадан бехабар саводсизга чиқарувчилар кўпайиб кетса керак. Аммо Давлат бюджетининг, аниқроғи, сизу бизнинг пешона теримиз эвазига жамғарилган маблағнинг катта қисми таълим, тиббиёт учун сарфланаётган бир пайтда нега халқ таълими мутасаддилари енгилнинг остидан, оғирнинг эса устидан юришни мақбул кўришмоқда?

Башарти, бола ўз ҳудудидаги мактабга бормаяптими, дарс кўнгилдагидек эмас. Билингки, ўқитувчилар салоҳияти она-оналар талабига жавоб бермайди.

Майли, шаҳардагилар йўлини қилиб, боласини ўша обрўли мактабларга беришар. Аммо чекка ҳудудларда-чи? Катта қатламнинг чет тили ўқитувчилари йўқ, шароити ҳаминқадар қишлоқ мактабларига болаларини беришдан ўзга чораси йўқ-ку?! (Аслида-ку, болада қобилият бўлса, қолоқ мактабдаям керакли билимни олади).

Халқ таълимидаги инновацион фикрловчи каттаконлар, пойтахтдан ташқарида ҳам ҳаёт борлигини унутманг. Ота-оналардан пул йиғишга етган ақлингиз, нечун ўша талабгир бўлмаган мактаблар ишини яхшилашга оқсайди? Бунга хоҳиш, ҳаракат бўлмаса, одамларнинг етти ухлаб тушига кирмайдиган антиқа усуллар билан омманинг ғашига тегманг, яхшиси.

Илтимос, шундоқ ҳам кескинлашиб бораётган ижтимоий табақалашув тегирмонига сув қуйишни бас қилинг!

Манба:Холис фикр

Бўлишинг:

Муҳаррир танлови

Қачонгача оддий маҳсулотларни импорт қиламиз?

Божхона хабарларини ўқиб ўтиргандим, бир рақам эътиборимни тортди. 2019 йилнинг ўтган 7 ойи давомида 74 минг донадан ортиқ канцелярия бўрлари импорт қилинибди. Оқибатда ...

Ўзбекистонда хавфли юқумли касаллик тарқалмоқда

Халқаро эпизоотик бюронинг расмий маълумотларига кўра, 2017 йил мобайнида дунёнинг кўпгина мамлакатларида, шунингдек, Ўзбекистон билан чегарадош ҳисобланган Қозоғистон, ...

Мордовияда содир бўлган йтҳда икки ўзбекистонлик ҳалок бўлди

Spark автомобили ва юк машинаси иштирокидаги ЙТҲда икки киши ҳалок бўлган, яна икки нафари эса шифохонага ётқизилган. 25 май куни Мордовия Республикаси (Россия) ҳудудидан ...