Фақат Ўзбекистонда конституциявий ҳуқуқларни пулга сотиб олса бўлади

Фарзандингизни яхши мактабга бермоқчисиз, лекин у мактаб бошқа ерда жойлашган. Халқ таълими вазирлиги бюрократлари тилида айтганда, бошқа микроҳудуд болалари ота-оналари бир неча миллионлик тўловни амалга оширсагина (қўшимча квота учун энг кам иш ҳақининг 10 бараваридан кам бўлмаган миқдорда бир марталик тўлов пули тўланади), фарзандлари яхши мактабда ўқишлари мумкин бўлади.

Таълим конституцияда давлат томонидан кафолатланган ҳуқуқ. Давлат буни фуқаро билан шартномада, яъни 1992 йилги конституцияда ўз мажбурияти сифатида тан олган. Давлат барчага бир хил — сифатли, бир хил стандартли таълимни таъминлаб бериши керак.

Афсуски, юқорида хатти-ҳаракатнинг ўзиёқ давлат ва фуқаро ўртасидаги конституциявий келишув давлат томонидан бузилаётгани, давлат фуқароларни чўнтагига қараб дискриминация қилиш, яъни камситиш йўлини тутмоқда. Бу оғир оқибатларга келади, деб қўрқамиз.

Биз ўзи қандай давлат қурмоқчимиз? Ҳукуматнинг охирги хатти-ҳаракатлари, яъни конституциявий ҳуқуқлар (прописка, суперконтракт, тонировка, мана микроҳудудда болани мактабга жойлаштириш)ни фуқароларнинг айрим тоифларига сотиш амалиёти Ўзбекистоннинг келажаги ҳақида хавотирли таассурот уйғотади.  Демак, яқин келажакда давлат ва фуқаро муносабатлари мулк цензи асосида шаклланади.

Ўзбекистон конституциясининг 18-моддасидаги асосий ғоя ўз моҳиятини йўқотади. Унга кўра, барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, ижтимоий келиб чиқиши, эътиқоди, шахси ва ижтимоий мавқеидан қатъи назар, қонун олдида тенгдирлар. Тошкентда янги уй олиб, пропискага кирган ва янги уй ололмай, иккиламчи бозордан олган уйида вақтинчалик рўйхатдан ўтмагани учун жарима тўлаётган фуқаро тенг эмас. Қўшимча квота учун пул тўлай олмайдиган фуқаро эса пул тўлай оладиган фуқаро билан тенг бўлмайди. Бу казусни келажакда жуда кўплаб ҳуқуқлар учун жорий қилса бўлади.

Конституцияда имтиёзлар ижтимоий адолат принципларига мос бўлиши шартлиги белгилаб қўйилган. Лекин пули борларга берилаётган, уларга сотилаётган ҳуқуқ ижтимоий адолатдан эмас. Бу узоқ истиқболда давлатчиликнинг асосларига зиён етказади.


Манба: OnlyinUzbekistan

Бўлишинг:

Муҳаррир танлови

Грузияда 600 минг нафар фуқаронинг банклардан қарздорлиги бекор қилинди

Грузия ҳукумати қарзи туфайли «қора рўйхат»га тушиб қолган 600 минг нафар фуқаронинг банклардан қарздорлигини бекор қилиш ҳақида қарор чиқарди. Бу ҳақда мамлакат Бош вазири ...

Ўзбекистонда хориж валютасини ноқонуний айирбошлаш учун жарима миқдори оширилди

Хориж валютасини ноқонуний равишда айирбошлаш учун жарималар миқдори оширилди. Бу ҳақда «Spot»га таяниб, “Соф.уз” сайти хабар берди. «Иқтисодий жиноятларга ва оммавий қирғин ...

Анқара бош прокурори нодира қодирова иши бўйича kun.uz’га изоҳ берди

Туркия пойтахти Анқарада, парламент депутатининг уйидаги номаълум ҳодиса оқибатида вафот этган ўзбекистонлик Нодира Қодированинг ўлими икки ҳафтадан буён ҳам ўзбек, ҳам турк ...