Солиқ тўлашдан бош тортиш керакми ё ҳукуматни янгилашми?

«Давлат биз фуқаролар тўлаётган солиқлар эвазига сифатли ва бепул таълим хизмати кўрсатиш ўрнига сифатсиз таълим тақдим қилиб, яхшироқ таълим учун қўшимча пул тўлашни таклиф этса, биз фуқаролар учун икки йўл қолади: 1) солиқ тўлашдан бош тортиш; 2) хизматчиларни алмаштириш, яъни ҳукуматни янгилаш, бундай ҳолда нормал дунёда муддатидан олдин сайловлар ўтказилади ва янги ҳукумат – янги хизматчилар сайланади. Мен биринчи вариантни танладим, яъни бугундан бошлаб солиқ тўлашдан бош тортаман», — деб ёзиб юборибди бир муштарий.

Ҳа, қани энди дунёимиз нормаллашиб қолса… Ҳар не бўлганда ҳам, солиқларни тўлаш керак. Ҳатто блогерлар ҳам солиқ тўлаши керак (агар даромад олаётган бўлса; даромад олмаётган бўлса ҳам — ер солиғи бор, мулк солиғи бор, барибир бошқа солиқларни ҳам тўлаш керак-да, блогерликдан даромад олинмаётган бўлса ҳам). Солиқларни тўлаб давлатдан нимадир талаб қилиш солиқларни тўламай талаб қилишдан кўра яхшироқ. Тўғри, давлат жуда без (бўлиши мумкин), аммо ҳеч бўлмаса фуқаро ўзига тўғри бўлади — баҳсдаги икки томондан ҳеч бўлмаса бири тўғрироқ бўлса яхши-да барибир.

Солиқларни тўламасангиз, сиз айбдор бўлиш учун энг асосий ва энг осон номзодга айланиб қоласиз. Инвестор Муҳаммадбобур Хўжаев воқеаси бунга ёрқин мисол — у давлатдан: «Нега мен қурган бинони суд қарорисиз бузиб ташладиларинг?», деб сўраганди, давлат одамлари (ҳоким, солиқчилар) унга қараб: «Ўзинг нега солиқ тўламагансан?», дейишди (даҳшат жавоб, ҳақиқий қўлланма!). Кейин Муҳаммадбобур: «Ҳокимимиз залатўй одам экан, фикрим ўзгарди», деб интервью берди. Фикримиз кутилмаган савол (кутилмаган зарба)дан бир лаҳзада 180 даражага ўзгариб кетмаслиги учун ҳам солиқларни тўлашимиз керак.

Менимча.

Кундузи чироқ ёқиб юриш ҳақидаги қарорини қарийб бекор қилган, мажбурий мактаб формаси ҳақидаги қарорини ҳам деярли бекор қилиш арафасида турган ҳукумат Тошкентнинг айрим мактабларида 1-синф қабулини айрим ота-оналар учун пуллик қилиш тўғрисидаги қарорини ҳам бекор қилади, катта эҳтимол билан. Қизиғи, мана шу баҳсли қарор лойиҳаси ҳам худди кундузи чироқ ёқиб юриш тўғрисидаги қарор лойиҳаси каби жамоатчилик муҳокамасига қўйилмаган (уни қўйилган дейишди-ку, лекин қўйилганини биров билиб, биров билмаган), шекилли — йўқса шунча баҳс-мунозара қарор қабул қилиниши олдидан бўларди. Ўзи ҳамма қарор лойиҳалари муҳокамага қўйилиши керакми-йўқми, муҳокамага қўйган орган бу ҳақда бирор овоза тарқатиши керакми, бу ҳам бир яхши мавзу.


Манба: Муҳрим канали

Бўлишинг:

Муҳаррир танлови

Латвиялик депутат россияни бир нечта қисмларга бўлиб ташлашни таклиф қилди

Латвия сейми депутати Александр Кирштейнс "Россия этник таркиби бўйича кичик мамлакатларга бўлиб ташлангандагина ҳарбий можаролар тугайди, Европада эса узоқ йилларга тинчлик ...

«ўнг қўлимиз билан меҳмонхоналар қуриб, визаларни бекор қиляпмиз, чап қўлимиз билан эса реставрация ниқоби остида тарихий ёдгорликларни яксон қиляпмиз»

​​ Қорақалпоғистон ўлкаси ўрта асрларга мансуб ноёб ёдгорликдан маҳрум бўлди. Реставрация ниқоби остида XII асрда қурилган Шамун-набий мақбараси мутлақ бузиб ташланиб, ўрнига ...

Боғча пули яна ошди

Кейинги бир йил ичида мактабгача таълим муассасаларига тегишли камчиликлар кўп бора тилга олинди. Республикамиздаги бир неча боғчаларнинг аянчли аҳволи, жумладан, 2017 йилда ...