Фейсбукда бошқа, ҳаётда бошқа халқмиз

Бразилияда пенсия ислоҳотларига қарши 45 миллион киши намойишга чиққанлиги айтилмоқда. Намойишчилар Бразилиянинг 27 штатида кўчага чиққан. Норозилик намойишида 210 миллиондан зиёд аҳолига эга Бразилиянинг 45 миллион аҳолиси иштирок этиши бу бразилияликларнинг сиёсий жиҳатдан биз ўзбеклардан анча фаоллигидан далолат беради. Биз эса, шу даражада боқибеғам халқмизки, ҳатто осмондан тош ёғса ҳам товонимизга ботмайди. Ёлғончи ҳукуматнинг ёлғонларига ошиқу беқарор бўлиб юраверамиз. Фейсбукда анча фаоллашдик, деб жар соламизу, бироқ диққат билан қарасак, фаоллик бўйича атиги 6 миллион аҳолига эга қирғизлардан, 17 миллион аҳолиси бор қозоқлардан анча-мунча орқадамиз, уларнинг чангига ҳам ета олмаймиз.

Ишонмасангиз бунга   қозоқ ва қирғиз сайтларининг Фейсбукдаги саҳифалари, гуруҳларини кузатиш жараёнида ишонч ҳосил қиласиз. Масалан, қирғизларнинг Элита.кg. Бийлик рингинде деган гуруҳида президент Сўронбой Жээнбеков ва у олиб бораётган сиёсатга ёки бошқа сиёсий мавзуга оид постлар эълон қилинса ушбу пост чунон муҳокама қилинадики, лайкчилару изоҳловчилар сонини кўриб, нима бало бутун қирғизлар интернетда уя қурганми деган фикрга борасиз. Бизда эса Шавкат Мирзиёев озгина танқид қилинган пост қўйилса, гарчи ўша мақола фейсбук фойдаланувчилари томонидан ўқилса ҳам деярли ҳеч қандай муносабат билдиришмайди, изоҳ ёзувчиларнинг ярми эса “фитначи”, “душман”, “тинчликни кўролмас” ясаш билан кифояланади. “Оч қорним, тинч қулоғим” нақлига қатъий амал қилишади. Агар Президент ва унинг сиёсати мадҳ этилган пост қўйилса, ёки Президентнинг ош дамлаётгани каби расмлар эълон қилинса борми, эҳ-ҳе, лайк босишу изоҳ ёзишни кутилгандан аъло даражада дўндирамиз. Постга лайк босиб, изоҳ ёзибгина қолмай, уни поделиться қилиш, тарқатишни ҳам қотирамиз.

Қирғизлар журналистга қараб: “менга турқинг ёқмаяпди” деган сўзи учун вазиру ҳокимини мансабидан кетказа олади, биз эса журналистларнинг эмас, ҳатто президентнинг кўзини ҳам шомғалат қилган ҳокимни жойидан силжита олмаймиз. Ҳуқуқи поймол бўлаётган журналистни ҳимоя қилиб, петиция тайёрлаб унга 2000-3000 киши бўлиб имзо қўямизу, журналистни ҳимоя қилиш учун уюштирилган пикетга 3000 петициячидан учтамиз ҳам чиқмаймиз. Биз шундай халқмиз. Ички ишлар вазирлиги томонидан ишлаб чиқилган митинглар, йиғинлар ва намойишлар тўғрисидаги қонун лойиҳаси тасдиқлангудек бўлса (катта эҳтимол билан тасдиқланади ҳам) ҳозирги жимжитлигимиз ўн карра, балки юз карра ошиши ҳам мумкин.

Рўзибой Азимий

Бўлишинг:

Муҳаррир танлови

Миллий хавфсизлик қўмитасининг собиқ раҳбари нартай дутбаев етти ярим йилга қамалди

Қозоғистон Миллий Хавфсизлик Қўмитасининг собиқ раҳбари Нартай Дутбаевга тайинланган жазо муддати ошкор этилди, дея хабар беради Қозоғистон Республикасининг Олий суд ...

Термиздаги портлаш оқибатида икки киши ҳалок бўлди

Бугун, 8 апрель куни Сурхондарё вилояти Термиз шаҳрида жойлашган кўпқаватли уйларнинг бирида портлаш содир бўлгани ҳақида хабар берилган эди. «Xabar.uz» нашрининг Бош ...

Қашқадарё вилоятида аҳолининг 46 фоизи ташима йўл орқали сув истеъмол қилади

Таркибида 2 та шаҳар, 13 та туман ва 1046 та аҳоли яшаш пунктлари мавжуд бўлган Қашқадарё вилоятида 46 фоиз аҳоли ташима йўллар орқали сув истеъмол қилади. Бу ҳақда Қашқадарё ...