Жаҳон банки Ўзбекистонга 500 миллион доллар кредит ажратади

Жаҳон банки Ўзбекистондаги иқтисодий ўзгариш ва бозор ислоҳотларини қўллаб-қувватлаш учун 500 миллион долларлик кредитни маъқуллади. Бу ҳақда ЎзА ёзмоқда.

Банкнинг Ўзбекистондаги вакили мазкур маблағ янги иш ўринлари яратишга ҳамда халқ фаровонлигини оширишга йўналтиришини алоҳида қайд этиб ўтди.

Ўзбекистон ушбу кредитни иқтисодиётни ривожлантириш ва хусусий секторни фаоллаштириш, шунингдек, иш ўринларини ташкил этишга йўналтирилган иқтисодий ислоҳотларни қўллаб-қувватлашга ёрдам берадиган “Ривожланиш сиёсатини амалга ошириш” (DPO) ташкилоти орқали олади.

“Ўзбекистоннинг кенг кўламли ислоҳотлари давом этмоқда, мамлакат ўз фуқаролари ва халқаро ҳамжамият томонидан қўллаб-қувватланмоқда”, – деди Жаҳон банкининг Ўзбекистондаги ваколатхонаси раҳбари Ҳидеки Мори.

“Ушбу молиявий кредит ислоҳотлар марказида хусусий секторнинг ўсишини қўллаб-қувватлаш, иш ўринларини яратиш ва аҳолининг кам таъминланган қатламини янада кўпроқ ижтимоий интеграциялашувини таъминлаш учун янада мураккаб институционал ислоҳотларга ўтишда қўшимча ёрдам беради”, деди у.

Жаҳон банки маълумотларига кўра, Ўзбекистонга жами 3,6 миллиард доллардан зиёд бўлган 22 лойиҳа орқали ёрдам берилади.

Ўзбекистон сўнгги икки йилда хорижий сармояларни жалб қилиш учун иқтисодий ислоҳотларни амалга оширмоқда, дейилади хабарди.

Бўлишинг:

Муҳаррир танлови

Facebook эгаси марк цукерберг европарламентда чиқиш қилди

Сешанба куни Фейсбук хўжайни Марк Цукерберг Европарламентда чиқиш қилди. (more…)

Тошкент вилоятида бозорда савдо қилаётган аёллар куч билан қўлга олинди

Тошкент вилояти Оққўрғон туманидаги бозорда катта жанжал юз бериб, можаро давомида ҳуқуқни муҳофаза қилувчи ходимлар аёлларни куч билан қўлга олишга ҳаракат қилдилар, деб ...

Қозоғистондаги тартибсизликлар вақтида 53 та ҳокимият биноси вайрон қилинган

Қозоғистондаги тартибсизликлар давомида мамлакатнинг турли вилоятларида 53 та маъмурият биноси вайрон бўлган, 151 та кичик ва ўрта бизнес объекти вайрон қилинган. Уларнинг ...