Ниғматулла Йўлдошев Бош прокурор бўлди Отабек Муродов лавозимидан кетди

Отабек Баҳритдинович Муродов Ўзбекистон Республикаси Бош прокурори лавозимидан озод этилди. Бу ҳақда “Кун.уз” ёзмоқда.

Президент матбуот хизмати хабар беришича, у Ўзбекистон Республикаси Конституцияси 93-моддасининг 12-бандига мувофиқ лавозимидан озод этилган ва унинг ўрнига Сенат раиси Ниғматулла Тўлқинович Йўлдошев Ўзбекистон Бош прокурори этиб тайинланган.

Отабек Муродов 2018 йилнинг январида Ихтиёр Абдуллаев ўрнига бош прокурор бўлганди.

Қайд этиш керакки, бу сўнгги 4 йил давомида тўртинчи марта Ўзбекистон бош прокурори ўзгариши бўлмоқда. 2000 йил февралидан Ўзбекистон бош прокурори бўлган Рашид Қодиров 2015 йилнинг апрелида лавозимини тарк этган ва унинг ўрнини Ихтиёр Абдуллаев эгаллаганди. Абдуллаев 2017 йил январида Давлат хавфсизлик хизмати раҳбари лавозимини эгаллагач, унинг ўрнида Отабек Муродов иш бошлаганди. Айни вақтда икки собиқ бош прокурор – Рашид Қодиров ва Ихтиёр Абдуллаевга қарши жиноий иш очилган ва уларнинг иккиси ҳам терговда.

Сенатнинг янги раиси 21 июнь куни бўлиб ўтадиган ялпи мажлис вақтида президент тақдимномасига мувофиқ сенаторлар томонидан сайланиши кутилмоқда.

Ниғматулла Йўлдошев 1962 йилда Тошкент шаҳрида туғилган, Тошкент давлат юридик институтини (ҳозирда университет) тамомлаган.

У 1987 йилдан 2011 йилгача прокуратура тизимида турли лавозимларда ишлаган, хусусан, 2008-2011 йилларда Бош прокурор ўринбосари бўлган.

Ниғматулла Йўлдошев 2011 йилда Ўзбекистон Адлия вазири лавозимига тайинланган ва бу лавозимда 2015 йил январига қадар ишлаган.

У 2015 йил январида президент қарори билан сенатор этиб тайинланган, 2015 йилнинг 22 январида яширин овоз бериш йўли билан Сенат раиси лавозимини эгаллаганди.

 

Бўлишинг:

Муҳаррир танлови

Шавкат мирзиёевнинг наманганга ташрифи давомида чортоқ тумани ҳокими ойбек ҳайдаров ишдан олинди

Шавкат Мирзиёевнинг Наманган вилоятига ташрифи давомида Чортоқ тумани ҳокими Ойбек Ҳайдаров ишдан олинган. Бу ҳақда «Дарё» нашри хабар берди. «Чортоқ ҳокимини ишдан олдим. ...

Шавкат мирзиёев тожикистонга жўнаб кетди

Ўзбекистон Республикаси Президенти Шавкат Мирзиёев Мустақил Давлатлар Ҳамдўстлиги Давлат раҳбарлари кенгашининг навбатдаги мажлисида иштирок этиш учун 27 сентябрь куни ...

Туркман прокурорлари ўзбекистонга бензин сотгани учун ишдан олинди

7 август куни Туркманистон президенти Гурбангули Бердимухамедов «хизмат вазифасини лозим тарзда бажармаган» Лебап вилояти прокурорлари Бойжон Бойжонов ва Тўйлимурот Егеновни ...