Бошқа мавзуларПрофессионал бокснинг супер енгил (-63,5 кг) вазн тоифасида рингга чиқаётган ўзбекистонлик боксчи Анвар Туропов WBC Осиё чемпионлик камарини қўлга киритди. Бу ҳақда “GoSport.uz” интернет-нашри хабар бермоқда.
Таиланднинг Паттайя шаҳрида бўлиб ўтган бокс оқшомида Туропов филиппинлик Роберто Гонсалесга (28-6, 17 КО)қарши рингга кўтарилди. 10 раундга мўлжалланган жангнинг 4-раунди 1:03 сонияси ортда қолганида Туропов рақибини ерга қулатди ва ҳакам соф нокаутни қайд этди.
Ушбу натижаси орқали Анвар Туропов WBC йўналишининг Осиё минтақавий (Asian Boxing Council) чемпионлик камарига эга чиқди.
