Мурод Назаров Президент ишончини оқлай оладими?

«Tashkent City» халқаро ишбилармонлик марказидаги энг баланд иншоот маҳаллий «Murod Buildings»  ҳамда Туркиянинг «Ozguven» қурувчилик компанияси томонидан бунёд этилади.

Тўртинчи лотдаги бу бино 215 метрни ташкил этиб, Марказий Осиёдаги энг баланд иншоот бўлиши кутилмоқда. Яъни 50 қаватни ташкил этади.

Ўзбекистон қурувчилик тарихида энг баланд иншоотнинг хавфсизлиги, зилзилабардошлиги қандай бўлади?

«Murod Buildings» компанияси асосчиси ва раҳбари Мурод Назаровнинг айтишича, масаланинг шу томонини ҳисобга олиб, дунёнинг 100 дан зиёд компаниялари билан музокаралар олиб бориб, туркиялик қурувчилар билан келишувга эришган.

«Ozguven» қурувчилик компанияси раҳбари Озгур Озгувеннинг айтишича, лойиҳа устида тўрт ой ишлаган, 500 дан зиёд экспертлар билан маслаҳатлашган, бу унинг хавфсизлигини тўлиқ таъминланишидан далолат беради.

Уч блокдан иборат лойиҳа учун илк бора 700 маркали цементдан фойдаланилиб, Эйфель минорасиникидан кўп металл ишлатилар экан.

Бинонинг пойдевори тўрт қаватдан иборат бўлиб, бунга сарфланадиган бетон маҳсулотларидан кичик шаҳарча қуриш мумкин экан. Армартураларни бир-бирига уланса, унинг узунлиги Тошкентдан Истамбулга бориб келишга етаркан.

Пойдевор куз ойларида қуриб битказилиши режалаштирилган.

«Президентимиз бизга жуда катта ишонч билдирган ва бу бино қурилишини катта қизиқиш билан кутмоқда. Икки марта учрашганимизда ҳам шу ҳақда сўраб, ўзларининг таклифларини айтдилар. Биз бу ишончни оқлашга ҳаракат қиламиз», дейди Мурод Назаров.

«Осмон ҳамма учун» шиори остида қурилаётган мажмуадаги хонадон ва бошқа объектларнинг баҳоси аҳоли харид қобилиятига мос бўлиши айтилмоқда. Бу қанча эканлиги ҳақида эса аниқ рақамлар айтилмади.

Манба:Холис фикр

Бўлишинг:

Муҳаррир танлови

Uzauto motors янгиланган malibu моделини тақдим этади

1.5 л Turbo двигателли янгиланган Malibu Facelift автомобили олдузатмали автомобиль аввалгисидан 100 килограммга енгил эканлигига қарамай, унинг узунлигига тахминан 12 ...

Туркия ва россия миллий валютада ҳисоб-китоб қилишга келишиб олди

Россия Молия вазирлиги ва Туркия ғазначилик ва молия вазирлиги ҳисоб-китоб ва тўловларни миллий валютада амалга ошириш тўғрисида битимни имзолади. Бу ҳақда РИА ...

Бир ҳафта давомида онлайн аукцион орқали 2,5 млрдни сўмлик автомобиль рақамлари сотилди

Сотилган давлат рақам белгиларининг умумий суммаси 2,5 млрд сўмни ташкил қилди, - дея хабар бермоқда spot.uz. 5 августдан 11 августгача бўлган давр мобайнида онлайн аукцион ...