Бразилия Copa America ғолиби бўлди

Бразилия миллий жамоаси ўз майдонида ўтган Копа Америкада яна ғолиб чиқди. Пентакампеонлар финалда Перуни 3:1 ҳисобида мағлубиятга учратди, деб ёзади GoSport.

«Маракана»даги ўйиннинг 15-дақиқасида Эвертон ҳисобни очгач, 44-дақиқада Герреро пенальтидан мувозанатни тиклади. Аммо биринчи бўлимга қўшиб берилган 3-дақиқада Габриэл Жезус мезбонларнинг танаффусга устунлик билан йўл олишини таъминлади. 90-дақиқадаги Ришарлисоннинг пенальтидан урган голи якуний ҳисобни ўрнатди – 3:1.

Шу тариқа, Бразилия ўз майдонида ўтган бешинчи Копа Америка мусобақасида ҳам ғалаба қозонди. Умумий ҳисобда, бразилияликлар 9-маротаба, 2007 йилдан буён эса илк марта Жанубий Америка чемпиони бўлишди.

Маълумот учун, Копа Америкада Уругвай 15, Аргентина эса 14 маротаба ғолиб чиққан.

Копа Америка – 2019

Финал
Бразилия – Перу 3:1 (2:1)
Голлар: Эвертон (15), Габриэл Жезус (45+3), Ришарлисон (90, пенальти) – Герреро (44, пенальти).
Бразилия: Алиссон, Дани Алвес, Маркиньос, Тиаго Силва, Алекс Сандро, Артур, Каземиро, Габриэл Жезус, Коутиньо (Эдер Милитао, 77), Эвертон (Аллан, 90), Фирмино (Ришарлисон, 75).
Перу: Гальесе, Адвинкула, Самбрано, Абрам, Трауко, Тапия (Гонсалес, 82), Йотун (Руидиас, 78), Флорес, Куэва, Каррильо (Поло, 86), Герреро.
Огоҳлантиришлар: Габриэл Жезус (30), Тапия (49), Тиаго Силва (53), Самбрано (68), Адвинкула (84), Ришарлисон (90).
Четлатиш: Габриэл Жезус (70).

 

Бўлишинг:

Муҳаррир танлови

«бунёдкор» яна жар ёқасида. клуб автобуси олиб қўйилган, ҳисоб рақами ҳам «музлатилган»

Суперлига турнир жадвалида 4-ўринда бораётган Тошкентнинг «Бунёдкор» клуби яна қийин ҳолатда қолди. Tribuna.uz’нинг маълум қилишича, клубнинг ҳисоб рақами «музлатилган», ...

Эрон ёшлари cafa u19 чемпионатида ғолиб чиқишди

Тожикистонда 19 ёшгача бўлган футболчилар ўртасида Марказий Осиё Футбол Ассоциацияси (CAFA) чемпионати якунланди. Сўнгги турнинг ҳал қилувчи баҳсида Тожикистон ва Эрон ёшлари ...

Қудратилло абдуқаҳҳоров америкалик боксчи луис коллазони енгиб ғалабага эришди   

Профессионал бокснинг ярим ўрта (-66,68 кг) вазн тоифасида рингга чиқаётган Қудратилло Абдуқаҳҳоров (17-0, 9 КО) ўзининг навбатдаги жангини ўтказади. Бу ҳақда GoSport.uz ...