Ўзбекистонда ёши 100 дан ошган 1014 дона дарахт аниқланди

Ўзбекистонда ёши 100 дан ошган дарахтларни аниқлаш ва уларни муҳофаза қилиш бўйича инвентаризация ишлари олиб борилмоқда. Бу ҳақда Экология ва атроф-муҳитни муҳофаза қилиш давлат қўмитаси вакилларининг журналистлар билан бўлиб ўтган очиқ мулоқотида маълум қилинди, дея хабар бермоқда «Дарё» нашри.

Давлат қўмитаси инспекция бошлиғи Ўлмас Собировнинг сўзларига кўра, инвентаризация ишлари бутун мамлакат бўйича, ҳукуматнинг 2019 йил январидаги қарори билан тасдиқланган низом асосида олиб борилмоқда.

«Дарахтларни инвентаризациядан ўтказиш ҳар беш йилда бир марта ўтказилади. Биринчи марта ўтказилаётган хатловда ҳозирга қадар ёши 100 дан ошган 1014 дона дарахт аниқланди. Хатлов ҳали охирига етгани йўқ. Шунинг учун бизда аниқ рақамлар мавжуд эмас», — деди Ўлмас Собиров.

Унинг қўшимча қилишича, ёши 100 дан ошган дарахтларни алоҳида белги билан ажратиб, муҳофазага олиш режалаштирилган. Очиқ мулоқотда инвентаризация ишлари якунига етганидан сўнг, унинг натижалари ҳақида қўшимча ахборот берилиши таъкидланди.

Бўлишинг:

Муҳаррир танлови

Истанбул декларацияси шарқий қудсни фаластин пойтахти деб эълон қилди

Ислом ҳамкорлиги ташкилоти (ИҲТ) давлатлари пойтахти шарқий Қудс бўлган Фаластин давлатини тан олишини эълон қилишиб, жаҳон ҳамжамиятини Шарқий Қудсни Фаластин давлатининг ...

Пензада ўз ватандошини бўғиб ўлдирган ўзбекистонлик 7 йилга қамалди

Ўз ҳамкасби ва ҳамюртини иш юзасидан юзага келган можаро оқибатида ўлдирган Ўзбекистон фуқароси Пензада 7 йилга озодликдан маҳрум қилинди. Бу ҳақда  Sputnik Тергов ...