Тошкент вилоятида йирик ер кўчкиси содир бўлди

Жорий йилнинг 8 июль куни тахминан соат 15:30 ларда Ангрен кўмир конининг шимолий қисмида чамаси 20 миллион метр куб бўлган ер кўчкиси содир бўлди. Бу ҳақда «ЎзА» вилоят ҳокимлиги ахборот хизматига таяниб хабар қилмоқда.

Хабарда қайд этилишича, мазкур табиий офат муҳандислик коммуникация, авто ва темир йўллар ҳамда Ангрен кўмир кони учун хавф туғдирмайди.

Табиий офатнинг вужудга келишида асосий омил бу жорий йилнинг апрель-май ойларида ёмғирнинг ёғиши (кўп йиллик меъёрдан ортиқ), ер ости сувлари даражасининг сезиларли кўпайиши бўлиб, бу гидродинамик босимининг ошишига олиб келди. Натижада қум тош тупроқларни ер ости оқимлари билан ювилиб ер қатламида бўшлиқларни ҳосил қилди. Бу эса ўз навбатида Ангрен кўмир конининг шимолидаги ён томонининг заифлашишига олиб келди.

Ўзбекистон Республикаси хавфли геологик жараёнларни кузатиш давлат хизмати томонидан салбий оқибатларнинг олдини олиш мақсадида кўчки доимий равишда кузатилмоқда. Шунингдек, мазкур ҳудудда Фавқулодда вазиятлар вазирлиги ва Йўл ҳаракати хавфсизлиги бошқармаси ходимларининг куну тун навбатчилиги ташкил этилган.

Лойиҳа-тадқиқот институти мутахассислари ер кўчиши сабабларини қўшимча ўрганиш бўйича ишларни олиб боряпти.

Бўлишинг:

Муҳаррир танлови

Пахтани четдан ҳашарчиларни жалб этмасдан йиғиб олиш мумкинми

Жамият 09:58 32025 Фото: Nuz.uz Ўзбекистон иқтисодиётининг рақобатбардошлигини белгилаб берадиган соҳаларга хом-ашё сифатида хизмат қиладиган маҳсулот — пахтани териб ...

«олтин водий»  қайта  тикланади

(“Олтин Водий” талон-тарож этилмоқда” ва “Байрамлари топталган,   қувончлари яксон этилган юрт” номли  мақолаларнинг давоми ) Мазкур мақолалардан айрим сатрлар: “Олтин водий” ...

Тожикистонлик аёл эри россиядан қайтишини истаб ўғлининг танасига 10та игна санчди

Тожикистонда аёл бир ёшли ўғлининг баданига атайлаб 10та игна санчди, у шу тариқа Россияда юрган эрини қайтармоқчи бўлган. (more…)