Ўзбекистон бу йил яна евробондлар чиқариши мумкин

Ўзбекистон февралда евробондлар чиқаришни муваффақиятли бошлаганидан сўнг бу йил яна бир марта долларда еврооблигациялар чиқарган ҳолда жаҳон бозорига йўл очиши мумкин. Бу ҳақда Ўзбекистон Марказий банки раҳбари Мамаризо Нурмуратов 3−5 июль кунлари Санкт-Петербургда бўлиб ўтган Халқаро молия конгресси майдонларида маълум қилди, деб ёзади «Газета.uz»  сайти.

«Халқаро сармоядорлар мамлакат кредит тарихини кўриш имкониятига эга бўлишлари лозим, — деди Марказий банк раҳбари. — Бизнинг биринчи чиқаришимиз ҳали бизга тарих яратмайди, у шунчаки бенчмарк яратди»

Мамаризо Нурмуратов сўзларига кўра, янги облигациялар 1 млрд долларлик қийматда чиқарилади. Ўзбекистон тижорий банклари ҳам жорий йилдан доллардаги облигацияларини сотишни бошлашлари мумкин, дея қайд этди МБ раҳбари.

«Бизга давлат харажатлари учун пул керак эмас, бироқ биз халқаро бозорда мавжуд бўлиб туришимиз лозим», — деб ҳисоблайди Марказий банк раҳбари. У айни вақтда облигацияларнинг долларда чиқарилаётгани мантиқли эканини қўшимча қилди, чунки мамлакат ташқи савдоси асосан ушбу валютада амалга оширилади.

Инвесторларга Ўзбекистонга евробондларнинг биринчи савдоси учун 5,5 млрд доллардан зиёд маблағ таклиф этган эди. Bloomberg Barclay индексига кўра, облигациялар 14 февралда савдога чиқарилган вақтдан 8,4 фоизга кўтарилган. Ривожланган бозорларда бу кўрсаткич 6,2 фоизни ташкил этади.

«Биз чет эллик сармоядорларга тўғридан-тўғри инвестициялар учун сигнал берамиз ва қарз мажбуриятлари бозорига чиқамиз», — деди Мамаризо Нурмуратов.

Биринчи сотувдан тушган маблалар қуйидаги шаклда таксимланди: 889,2 млн доллар аукцион орқали тижорат банклари депозит ҳисоб рақамларига жойлаштирилди, 20 млн доллар «Агробанк”ка қарз сифатида берилди, 89,9 млн доллар эса Навоий кон-металлургия комбинатига ссуда сифатида ажратилди.

Бўлишинг:

Муҳаррир танлови

Ўзбекистонда евро курси 10332.75 сўм доллар эса 9446.65 сўм бўлди 

Ўзбекистон Марказий банки 2019 йилнинг 1 октябридан хорижий валюталарнинг сўмга нисбатан қийматини белгилади. Унга кўра, 1 АҚШ доллари 9446.65 сўм этиб белгиланди. Бу эса ...

«самарали солиқ тизимида имтиёзларга ҳожат йўқ» — юлий юсупов

  Юлий Юсупов. Фото: Шуҳрат Латипов / «Газета.uz» Иқтисодчи Юлий Юсупов — Ўзбекистон солиқ тизими муаммолари ва солиқ қонунчилигини такомиллаштириш йўллари ҳақида. ...

Ўзбекистонда доллар курси 10.07 сўмга арзонлади

Ўзбекистон Республикаси Марказий банки АҚШ долларининг 27 август кунидан амал қиладиган янги курсини белгилади. Унга кўра, АҚШ долларининг 10.07 сўмга арзонлашиб 9373.93 сўм ...