«Миллион» жамоаси салкам 200 миллион сўм давлат божи тўлаши керак!

Ўзбекистон Республикаси Вазирлар Маҳкамасининг 2015 йил 9 декабрдаги 354-сонли қарори билан тасдиқланган «Концерт-томоша фаолиятини лицензиялаш тўғрисида»ги Низомга мувофиқ, Ижодий кўмаклашувчи вакиллар гуруҳи томонидан жорий йилнинг 25 июндаги навбатдаги йиғилишида Ўзбекистон Республикаси ва унинг ташқарисида концерт дастурларини мунтазам равишда ўтказиб келаётганлиги боис «Миллион» гуруҳининг доимий аъзоларига концерт-томоша фаолиятини амалга ошириш ҳуқуқи берувчи лицензия рейтингининг 2-гуруҳи берилиб, уларнинг ҳар бирига йиллик 19 867 540 сўмдан давлат божи учун тўловларни амалга оширилиши белгиланди, деб ёзади  «O’zbekkonsert» давлат муассасининг матбуот хизмати.

Шу боис, муассасага концерт ўтказиш учун тақдим этилган концерт сценарийсида кўрсатилган «Миллион» гуруҳи ижодий жамоаси аъзолари (Даврон Кабулов, Миркомил Мусаев, Алишер Батиров, Маъруф Носиров, Ниғматжон Ўткиров, Феруза Норматова, Умиджон Ҳайдаров) лицензиялари учун ҳар бирига алоҳида йиллик 19 867 540 сўмдан, концерт дастуридаги «Шоввозлар» гуруҳи ва қолган аъзоларга эса (ушбу тўлов иштирокчилар сонидан ва муассасага тўланган сўмдан келиб чиқиб қайта ҳисобланади) рейтингнинг 4-гуруҳи бўйича ҳар бирига алоҳида йиллик 8 109 200 сўмдан миқдоридаги тўловлар тўланиши маълум қилинади.

«Ўзбекконцерт» давлат муассасаси юқоридагиларни инобатга олган ҳолда «Миллион» жамоасидан ижодий жамоа лицензиялари учун (умумий 13 нафар аъзоларга) йиллик жами 187.727.980 сўм давлат божини муассасанинг махсус ҳисоб рақамига жорий йилнинг 16 июлига қадар тўлашини сўраган.

Акс ҳолда, муассаса ва «BRAVO MUSIC» МЧЖ («Миллион») гуруҳи ижодий жамоаси ўртасида тузилган лицензия шартномаси бекор қилинади.

Бўлишинг:

Муҳаррир танлови

Ўзбекистонда 9 ой мобайнида инфляция 9,7 фоизни ташкил қилди

Ўзбекистонда 2019 йилнинг тўққиз ойи давомида истеъмол бозорида товарлар 9,7 фоизга қимматлашди, дея хабар беради Ўзбекистон Республикаси Давлат статистика қўмитаси. «2019 ...

Ўзбекистонга импорт қилинган шакар акциз солиғига тортилади

2020 йил 1 январдан бошлаб Ўзбекистонга импорт қилинган шакар 20 фоиз ставка билан акциз солиғига тортилади. Бу ҳукуматнинг 2 октябридаги қарори билан тасдиқланган, деб Spot ...

Собиқ «​абу-сахий» бозорида тадбиркорлардан ноқонуний пул йиғилмоқда​

Тошкент шаҳрида жойлашган собиқ «​Абу-Сахий»​ бозори ўрнида янги ташкил этилган «Тошкент савдо маркази»да тадбиркорлардан ноқонуний пул йиғими бошланмоқда. (more…)