Оч қоринга маънавият не керак?

Ҳозир битта блоггерлар гуруҳида маънавият ҳақида гап кетди. Боласини ҳожатхонада ташлаб кетган аёл, қариндошининг жияни номусига тегиши, бозорларда маънавият хоналари…

Мана 30 йилдан бери маънавият деб кариллаб ётибмиз: телевизор, радио, интернетда давлат арбобларини эшитсангиз, ҳаммаси маънавият дейди, маънавиятимиз паст дейди, маънавият ниқоби остида сериалларни таъқиқлайди.

Маънавият деб 30 йил вайсаганимиз билан ҳеч нима, ҳеч нима ўзгармади. Оналар болаларини ўлдиряпти, сувга ташлаяпти, дунёдаги энг коррупциялашган давлатмиз, одамлар яшаб турган уйлар бузиб ташланяпти, бошқалар докторларни пичоқлаяпти.

Мактаб ва университетлардаги, бозорлардаги маънавият хоналари… Бир тийинга қиммат!

Маънавият сиёсати иш бермаяпти, у самарасиз, бу факт. Маънавият тушунчаси ҳозир капейка!

Маслоу пирамидасига назар ташласак, инсоннинг биринчи эҳтиёжи қорин тўйдириш, кейингиси ўзини хавфсиз ҳис қилиши, қўрқувдан ҳалос бўлишидир.

Маънавият деб кариллашдан аввал одамлар қорнини тўйдириш керак. Давлатнинг асосий мақсади иқтисодиётни ривожлантириш бўлиши шарт. Ҳар бир чиқаётган қонун шу нуқтаи назардан тайёрланиши керак.

Қорни тўқ одам кейин китоб ўқишга, ўрганишга вақти бўлади, хоҳиши бўлади. Оч қоринга маънавият не керак? Ҳар куни хаёт учун кураш бўлгани учун бошқаларга, жамиятга, маънавиятга тупуради.

Ҳаёт учун курашаётган одамлардан маънавият талаб қилишнинг фойдаси йўқ. Аввал оддий эҳтиёжларини қондирайлик. Юқоридаги суратга қаранг – маънавият энг тепада, энг сўнгги эҳтиёж.

Муаллиф:Фарҳод Файзуллаев

Манба: Замбаракнинг ўқи

Бўлишинг:

Муҳаррир танлови

“гугурт қутисичалик шпаргалка-китобчалар кўрдим сотувда”

  "Мен Фарғонадан абитуриентман. Бугун Фарғона шаҳар марказидаги "Мукаммал Нигоҳ" савдо марказига киргандим. Китоблар ичида бир кичик коробкани кўрдим. Жуда ҳам хафа ...

Рухсат берилмаган клипни чиқарганлар учун жазо борми ёки кимларнингдир «шохи» борми?

ОАВларда ёзилишича, Жаҳонгир Позилжонов ижросидаги ўта савиясиз қўшиқ ва унга ишланган маддоҳона клип учун «Ўзбекконцерт» бадиий кенгаши томонидан расмий рухсат олинмаган ...

Навқирон ёшдаги нимжон тил

Бугун ўзбек тилига давлат тили мақоми берилганига 30 йил тўлди. Навқирон ёшга кирган бўлсаям, ўта нимжон. Куч-қувватга тўлолмаяпти. Халқаро тадбирларку нарёқда турсин, ...