Россия ва Тожикистон «мусулмонларни қайта тарбиялаётган» Хитойни қўллаб-қувватлади

БМТ инсон ҳуқуқлари кенгашида Хитой томонидан Шинжон-Уйғур автоном ҳудудида олиб борилаётган ишлар кўриб чиқилди. Хитой ҳукумати ушбу ҳудудда ўзгача сиёсат юритмоқда ва мусулмон динига мансуб аҳолини махсус лагерларида «қайта тарбиялаётгани» хабар қилинган, деб ёзади “Хабар.уз” нашри.

Инсон ҳуқуқлари кенгашида Хитой олиб бораётган сиёсатни 34 мамлакат, шу жумладан Россия, Беларусь ва Тожикистон қўллаб-қувватлади. Бунга қадар 22 давлат, хусусан Европа иттифоқи аъзолари, Япония, Австралия, Канада ва Янги Зеландия Пекин олиб бораётган ишларни қоралаб чиққан эди. 34 мамлакатнинг қўллаб-қувватлаши мана шу айбловларга жавобан имзоланди.

Ўтган ой Хитой махсус лагерларда уйғур миллатига мансуб аҳоли қийноққа солинаётгани ҳақидаги хабарларни инкор этган эди. Мамлакат ташқи ишлар вазирининг ёрдамчиси Чжан Ханхуэнинг таъкидлашича, «таълим ва профессионал тайёргарлик марказлари» фаолияти нотўғри талқин қилинмоқда.

2018 йилнинг августида БМТнинг инсон ҳуқуқлари бўйича тафтиш қўмитаси Шинжон-Уйғур мухтор ҳудудида камида бир миллион аҳоли ёпиқ лагерларда сақланаётганини маълум қилган эди. Бу ерда улар «қайта тарбияланаётгани» айтилади. Лагерларда уйғурлар инқилобий қўшиқлар айтишади, ХХР раиси Си Цзинпиннинг ғояларини ўрганишади ва хитой тилида гаплашишади. Пекин бундай лагерлар борлигини расман тан олади, аммо уларнинг фаолиятини террорчиликка қарши кураш ўлароқ баҳолайди.

Бўлишинг:

Муҳаррир танлови

Янгийўлда турар жойлар шошма-шошарлик билан бузилмоқда

Тошкент вилояти Янгийўл шаҳрида «арзон» беш қаватли уйлар қуриш учун икки қаватли уйларни шошма-шошарлик билан бузишмоқда.  Бу ҳақда «Газета.uz»га таяниб «Дарё» ёзмоқда. ...

Тарихсиз келажак йўқ

Аслида, нафақат халқлар ва давлатларнинг, балки ҳар бир инсоннинг ўз ўтмиши бор. Бугунги кунга нисбатан бир кун олдинги воқеалар ҳам тарихдир. 1992 йили давлатимиз томонидан ...

Фориш туманида чўпонни уриб, 215 бош қўйни ҳайдаб кетган жиноятчилар ушланди

ИИВнинг маълумотига кўра, Шу йил 15 ноябрь куни Жиззах вилоятининг Фориш туманида фуқаро М.А. ИИБга мурожаат қилиб, жорий йилнинг 14 ноябрь куни 3 нафар номаълум шахс уни ...