Бойсунда замонавий сайёҳлик маркази бунёд этилади

Сурхондарё вилоятининг Бойсун туманида Туркиянинг “Idealist” шаҳарсозлик, меъморчилик ва муҳандислик компанияси томонидан замонавий сайёҳлик маркази барпо этилади. Бу ҳақда “Халқ сўзи” нашри ёзмоқда.

Лойиҳага кўра, Бойсун туманининг Омонхона қишлоғидан Зовбоши тоғли ҳудудигача бўлган ҳудудда анъанавий қишлоқ ҳаётини акс эттирувчи маданий, тиббий ва табиат туризми марказлари яратилади. Хусусан, маданий туризм марказида йирик маданият маркази, амалий санъат ва ҳунармандчилик устахоналари, ўтовлар мажмуаси, ойнали айвонлар, автотураргоҳ ва бошқа хизмат кўрсатиш объектлари барпо этилса, табиат туризми марказида меҳмонхона, савдо шохобчалари, тиббий муассаса, вилла ҳамда эко боғлар жойлаштирилади. Тиббий туризм марказида тоғ-дор йўли бекати, махсус майдонлар, масжид ва меҳмонхоналар қурилиши кўзда тутилган.

Ҳар учала туризм марказлари тоғ-дор йўли орқали ўзаро боғланиб, пиёда сайр қилиш йўлаги, эркин тоғ веломаршрутлари ҳам ташкил этилади.

Лойиҳа 20 йил давомида 4 босқичда амалга оширилиши белгиланган.

Бўлишинг:

Муҳаррир танлови

Қурбон ҳайити арафасида тожикистонда нархлар кескин ошиб кетди

Тожикистонда Ийди Қурбон ҳайити арафасида озиқ-овқат маҳсулотлари нархи бирдан кўтарилди, деб ёзади “Соф.уз” сайти. Хусусан, Душанбедаги Марказий бозорда қовун ва тарвузлар ...

Ҳиндистонда автобус иштирокидаги автоҳалокатда 13 киши ҳалок бўлди

Ҳиндистоннинг Махараштра штатида автобус ва контейнеровоз иштирокида ЙТҲда 13 киши ҳалок бўлди. Бу ҳақда  «ТАСС» хабарига таяниб "Дарё" ёзмоқда. Қайд этилишича,  транспортлар ...

«аҳмадбой иши» бўйича суд мажлиси бўлиб ўтди

11 нафар жабрланувчининг даъво аризасига кўра, чинозлик Аҳмадбой ва 16 нафар жиноий шеригига нисбатан жиноят ишининг тергов билан якунланган қисмини кўриб чиқиш бўйича очиқ ...