Ўзбекистонликлар асосан Қозоғистон, Россия ва АҚШга кўчиб кетмоқда

АҚШ ўзбекистонликлар энг кўп кўчиб кетаётган давлатлар учлигига кирди. Давлат статистика қўмитасининг январь-июнь ойлари учун маълумотлари шундан далолат бермоқда, деб ёзади “Кун.уз” сайти.

Биринчи чорак натижаларига кўра, Қўшма Штатлар тўртинчи ўринни эгаллаганди. Январь-июнь ойларида жами 4 847 киши бошқа мамлакатларга кўчиб кетди. Энг кўпи – Қозоғистонга (56,3 %). Кейинги ўринлардан Россия (36,9 %), АҚШ (1,2 %), Исроил (1 %) жой олди. Бошқа мамлакатлар ҳиссасига қолган 4,6 % тўғри келди.

Худди шу даврда 1 361 киши доимий яшаш учун кўчиб келди. Энг кўпи Қозоғистондан (29,7 %). Кейинги ўринларда Тожикистон (24,2 %), Россия (22,3 %), Қирғизистон (14,3 %) қайд этилган. Бошқа мамлакатлар ҳиссасига эса қолган 9,5 % тўғри келади.

Умуман олганда, йил бошидан буён келганлар сони 78,9 минг кишини ташкил этди (ички 77,5 минг киши, ташқи – 1,4 минг киши), чиқиб кетганлар – 82,4 минг киши (ички 77,5 минг киши, ташқи – 4,9 минг киши).

Миграция сальдоси минус 3,5 минг кишига етди ва 2018 йилнинг шу даврига нисбатан минус 6,2 минг кишини ташкил этди.

Миграция даражаси юқорилиги Қашқадарё (минус 3,3 минг киши), Самарқанд (минус 2,5 минг киши) ва Қорақалпоғистонга (минус 1,7 минг киши) тўғри келади. Миграциянинг ижобий сальдоси Тошкент шаҳрида (плюс 12,9 минг киши) қайд этилди.

Бўлишинг:

Муҳаррир танлови

Ўзбекистонда охирги уч йилда ўқувчилар ўртасида суицид кўпайган

2016 – 2018-йилларда ўрта мактаблар ва ўрта-махсус таълим тизимидаги ўқув муассасалари ўқувчилари ўртасида ўз жонига қасд қилиш кўпайган, жиноятчилик эса озайган. ...

Тошкентдан 400 000 вилоятлардан 200 000 ақш долларига уй сотиб олган хорижлик ўзбекистонда яшаш гувоҳномасини олади

Президентнинг айрим ҳужжатларига ўзгартириш ва қўшимчалар киритилди (ПФ–5731, 28.05.2019 й.) Бу ҳақда «Ҳуқуқий ахборот» канали хабар бермоқда. Киритилган қўшимчаларга ...

Самарқандда вафот этган қиз чақалоқ ўрнига ўғил боланинг жасади берилган

28 февраль куни Самарқандда вилоят Перинатал марказида вафот этган қиз чақалоқ ўрнига ўғил боланинг жасади бериб юборилгани юзасидан жиноят иши қўзғатилди. Бу ҳақда ...