Бошқа мавзуларПетербург шимолида Ўзбекистон фуқароси бўлган аёл сирка эссенциясини ичиб юборди. Ёш аёл оғир аҳволда касалхонага ётқизилган, дея хабар бермоқда “Кун.уз” сайти.
«Оперативное прикрытие» янгиликлар агентлиги маълумотларига кўра, 32 ёшли аёл шошилинч тиббий ёрдам илмий-тадқиқот институтига 28 июль куни соат 22:00ларда олиб кетилган. Дастлабки маълумотларга кўра, мигрант аёл сиркани қасддан ичган.
Бемор бўғиз, қизилўнгач, ошқозон ва товуш пайчаларининг кимёвий куйиши билан оғир аҳволда жонлантириш бўлимига ётқизилган. Ҳуқуқ-тартибот идоралари ходимларининг алоҳида эътиборини аёлда ёпиқ бош мия жароҳати, мия чайқалиши ва чап қош ёрилгани борлиги жалб қилди.
Полиция уйдаги зўравонлик версиясини текширмоқда.
