Мирзиёев қурол тўғрисидаги қонунни имзолади

Ўзбекистон президенти 29 июль куни қурол тўғрисидаги қонунни имзолади. Бу ҳақда Адлия вазирлигининг «Ҳуқуқий ахборот» Telegram-каналида хабар қилинди.

Хабарда қайд этилишича, қонунда қуролнинг қуйидаги турлари фарқланди:

фуқаровий қурол;

хизмат қуроли;

жанговар қурол.

Фуқаровий қурол жумласига ов, спорт ва ўзини ўзи ҳимоя қилиш қуроллари киради.

Қуйидагилар ўзини ўзи ҳимоя қилиш қуроли ҳисобланади:

газли қурол — кўздан ёш оқизадиган ёки ачиштирадиган моддалар билан тўлдирилган газли баллончалар, механик пуркагичлар, аэрозолли қурилмалар ва бошқа қурилмалар;

электрошок қурилмалари, учқун чиқаргичлар ва шикаст етказувчи таъсири электр энергиясидан фойдаланишга асосланган бошқа қурилмалар.

Жамоат жойларида, шаҳар, шаҳар атрофига қатновчи, шаҳарлараро ва халқаро транспортда қуролни очиқ ҳолда (ғилофсиз) олиб юриш тақиқланади.

18 ёшга тўлган фуқаролар фуқаровий спорт қуролини ва ўзини ўзи ҳимоя қилиш қуролини, 21 ёшга тўлган фуқаролар фуқаровий ов қуролини олиш ҳуқуқига эга.

Миллий гвардия органлари томонидан бериладиган 3 ойлик рухсатномалар асосида фуқаровий ва хизмат қуроли олиниши мумкин.

Фуқаровий ва хизмат қуролини олишга доир рухсатнома қуролни ҳамда унинг ўқ-дориларини олиб юриш ва қўллаш ҳуқуқини бермайди.

Қуролни олишга доир рухсатнома қуролни ҳамда унинг ўқ-дориларини олиб юриш ва қўллаш ҳуқуқини бермайди.

Рухсатнома олиш учун фуқаролар доимий яшаш жойи бўйича Миллий гвардия органига қуйидагиларни тақдим этиши шарт:

ариза;

шахсини тасдиқловчи ҳужжат (паспорт);

қуролдан хавфсиз фойдаланиш қоидаларига оид билими текширувдан ўтказилганлиги тўғрисидаги ҳужжатлар;

қуролга эгалик қилишга қарши кўрсатмалар мавжуд эмаслиги тўғрисидаги тиббий хулоса;

йиғим тўланганлигини тасдиқловчи ҳужжат;

овчилар жамоат бирлашмаси томонидан берилган овчилик гувоҳномаси (ов қуролини олиш учун);

овчилар жамоат бирлашмасининг тавсияномаси (сойли стволли ов ўқотар қуролини, шунингдек оғиз қисмидаги қувват 65 жоулдан юқори ва калибри 9 миллиметрдан ортиқ бўлган пневматик ов қуролини олиш учун);

отиш спорти соҳасидаги фаолият билан шуғулланувчи юридик шахс томонидан берилган спортчи гувоҳномаси (спорт қуролини олиш учун).

Қонун расмий эълон қилинган кундан эътиборан 6 ой ўтгач кучга киради.

Бўлишинг:

Муҳаррир танлови

Тўғри сўзнинг тўқмоғи

Бугунги ҳикоямиз қаҳрамони Зоҳиджон Зокиров. У Наманган вилояти, Мингбилоқ туманида,1975 йил, 28  сентябрда туғилган. Зоҳиджон Зокироа таниқли, фидоий  Наманганлик журналист ...

Бишкекда қамоқдаги мухолифатчилар очлик эълон қилди

Кубаничбек Кадиров (чапда) ва Бектур Асанов. Бишкекда давлат тўнтаришини режалаштирганликда айбланиб қамоқда сақланаётган мухолифат лидерлари Кубаничбек Кадиров ва Бектур ...

  “ҳақиқатни айтиши учун қийноққа солиш керак”

Муҳтарам муштарийлар, азизлар! Мен сизларга жиноят ишлари бўйича Қашқадарё вилоят судининг апелляция инстанцияси судида ўз кўзим билан кўриб, қулоғим билан эшитган воқеани ...