Баҳриддин Исомов Тошкентдаги 1-сонли тергов изоляторига жойлаштирилди

Яккабоғ туман ҳокимининг ўринбосарига бензин сепиб ёқиб юборган тадбиркор Баҳриддин Исомов Тошкентдаги 1-сонли тергов изоляторига жойлаштирилган. Бу ҳақда Бош прокуратура Ахборот хизмати раҳбари Ҳаёт Шамсуддинов матбуот брифинги чоғида маълум қилди. 

21 июль куни Б.Исомов ЎзР ЖПКнинг 221-моддасига мувофиқ ҳибсга олинган эди. Келгуси куни у суд-психиатрия экспертизасидан ўтиш учун Тошкентга юборилган.

«Айни вақтда у биринчи тергов изоляторида. Ҳозирда у 15 кунлик карантинда. Тергов натижасида ҳаммаси аниқ бўлади», – деди Шамсуддинов.

Эслатиб ўтамиз, 20 июль куни тадбиркор Баҳриддин Исомов олдиндан огоҳлантирмасдан ва товон пулини тўламасдан кредит маблағлари ҳисобига қурилган икки қаватли дўкон ва цех биносини бузмоқчи бўлган ҳоким ўринбосари устига бензин сепиб, ўт қўйиб юборган эди.

Шу куниёқ туман прокуратураси томонидан Исомовга нисбатан Жиноят кодексининг 25, 97-моддаси 1-қисми билан жиноят иши қўзғатилган ва у тегишли процессуал тартибда ушланганди.

Ҳоким ўринбосари эса шифохонага ётқизилган, кейинроқ у ишдан олиниб, ўз ваколатига кирмайдиган хатти-ҳаракатларни амалга оширгани сабабли унга нисбатан Жиноят кодексининг тегишли бандлари асосида жиноят иши қўзғатилган. Ҳозирда тергов ҳаракатлари олиб борилмоқда.

Бўлишинг:

Муҳаррир танлови

Воронежда қизларни зўрлаб келган бир гуруҳ ўзбекистонликлар жазоланди

Россиянинг Воронеж шаҳрида қизларнинг номусига теккан уч нафар ўзбекистонлик суд қилинди. Бу ҳақда шаҳарнинг Марказий туман суди матбуот хизматига таяниб, Sputnik ёзмоқда. ...

Эврил турон: йўлдаги ўйлар, фикрлар, мулоҳазалар (давоми)

(Давоми) Юқорида сиз “31 миллионли элдан 99 фоизи”... дедингиз. Бу фикр ҳақиқатга унча тўғри  келмайди. Келади. Ҳаёлан ҳар бир ўзбекнинг уйига бирма-бир кириб чиқинг. ...

Петербургда 4 ўзбекистонлик ўтирган автомобилдан 204 та патрон топилди

Петербург полицияси тўрт нафар ўзбекистонлик ўтирган машинадан патронлар топди, деб “Дарё” нашри «Podrobno.uz»га таяниб ёзмоқда. 1990,1994,1995,1999 йилда туғилган Ўзбекистон ...