Бошқа мавзуларТошкентда жорий йилнинг 15 августидан иситиш тизими ва иссиқ сув таъминоти тарифлари ошади. “Тошиссиққуввати” корхонаси хабарига кўра, аҳоли учун марказий иситиш тизимига бир ойлик тариф турар-жой квадрат метри учун 1 772 сўмгача оширилади.
Иссиқ сув таъминоти учун янги тариф ҳисоблагичсиз киши бошига 20 470 сўмни ташкил этади, ҳисоб ускунаси бўлганда иссиқ сув таъминоти кубометрига 5 242 сўм этиб белгиланди. Умумий ювиниш хонаси бўлган ётоқхоналарда яшовчилар учун иссиқ сув нархи киши бошига бир ойда 15 228 сўмни ташкил этади. Эслатиб ўтамиз, аввалроқ Ўзбекистонда 15 августдан бензин, дизель ёқилғиси, табиий газ истеъмоли ва электр энергияси учун нарх ва тарифлар ошгани ҳақида хабар қилинган эди.
