Темир йўл транспортида ҳар бир йўловчи ўзи билан бирга 36 кг дан ошмаган, икки ўринли купе вагонларида эса 50 кг қўл юки олиб юришига рухсат этилади.
✅ Йўловчига қўл юки меъёридан ортиқча (36 кг) қуйидагиларни ташишга рухсат этилади:
👉 портфель;
👉 аёллар сумкачаси;
👉 дурбин;
👉 чанғи ва унга таёқчалар;
👉 қармоқлар;
👉 фотоаппарат;
👉 соябон;
👉 уч ўлчамига кўра 100 см дан ошмайдиган бошқа кичик буюмлар.
✅ Шунингдек, шаҳарлараро қатновчи йўловчи ташиш поездларида:
👉 болалар аравачаси;
👉 ўсимликлар;
👉 юқори қисми бойланган ва илдизлари ўралган кўчатлар;
👉 бошқа экин материалларини бепул қўл юки сифатида ташишга рухсат этилади.
✅ Бундай қўл юкининг ҳар бир жой вазни 18 кг дан ва баландлиги 1,5 м дан ошмаслиги керак.