Ўзбекистонга яна 20 мамлакат фуқаролари визасиз кира олади

2020 йил 1 январдан бошлаб 20та мамлакат фуқаролари учун 30 кун муддатга визасиз режим жорий этилади. Бу ҳақда сешанба куни Бош вазир ўринбосари Азиз Абдуҳакимов иштирокида бўлиб ўтган пресс-конференцияда хабар берилди.

Визасиз режимни жорий этиш президентнинг “Ўзбекистон Республикасида туризм соҳасини янада ривожлантириш чора-тадбирлари тўғрисида”ги фармонида кўзда тутилган. Фармонга кўра, эндиликда Ўзбекистон 85та мамлакат билан визасиз режимга эга. Шу билан бирга, 77та давлат фуқароларида Ўзбекистонга электрон виза орқали келиш имкони мавжуд.

2020 йил 1 январдан бошлаб 30 кун муддатга визасиз режим жорий этиладиган 20та мамлакат:

1. Антигуа ва Барбуда
2. Барбадос
3. Белиз
4. Гренада
5. Доминикан Республикаси
6. Мексика Қўшма Штатлари
7. Гватемала Республикаси
8. Гондурас Республикаси
9. Коста-Рика Республикаси
10. Куба Республикаси
11. Никарагуа Республикаси
12. Панама Республикаси
13. Тринидад ва Тобаго Республикаси
14. Эль-Сальвадор Республикаси
15. Сент-Винсент ва Гренадина
16. Сент-Люсия
17. Багам Ороллари Ҳамдўстлиги
18. Доминика Ҳамдўстлиги
19. Сент-Китс ва Невис Федерацияси
20. Ямайка