Хўжайлида эр рашк оқибатида, уйқуга кетган аёлини ваҳшийларча ўлдирди

Қорақалпоғистон Республикаси Хўжайли туманида Ҳайит байрами куни мудҳиш қотиллик содир этилди Бу ҳақда «KRuz.uz» хабар бермоқда.

11 августдан 12 августга ўтар кечаси соат 00:20 ларда Хўжайли тумани «Мустақиллик» ОФЙ ҳудудида яшовчи фуқаро А.Қ. турмуш ўртоғи 1994 йилда туғилган М.Қ. билан уйида ўзаро оилавий жанжаллашиб қолиб, рашк оқибатида, қасддан ўлдириш мақсадида турмуш ўртоғи М.Қ. ухлаш учун ётоқхонасига кириб, уйқуга кетган вақтда, ётоқхонага кириб, ошхона пичоғи билан унинг кўкрак қафасига ва танасининг бошқа жойларига бир неча марта қасддан урган.

Марҳум яқинларининг сўзларига кўра, у Хўжайли туманидаги касалхонага соат 24:00 атрофида олиб келинган вақтда ҳам ҳали тирик бўлган. М.Қ. танасининг 19 жойига ўткир тиғли пичоқ билан зарба берилган. Шифокорларнинг ҳаракатларига қарамасдан М.Қ. туман тиббиёт бирлашмасининг жонлантириш бўлимида вафот этган.

Ҳодиса жойини кўздан кечириш жараёнида ошхона пичоғи ашёвий далил тариқасида олиниб, марҳум М.Қ.нинг ўлими сабабларини аниқлаш бўйича суд-тиббий экспертизаси тайинланди.

Мазкур ҳолат юзасидан шу йилнинг 12 август куни Хўжайли тумани прокуратураси томонидан фуқаро А.Қ.га нисбатан Ўзбекистон Республикаси Жиноят кодексининг 97-моддаси 1-қисми билан жиноят иши қўзғатилиб, гумон қилинувчи тариқасида ушланди.

Жиноят ишининг тергови Қорақалпоғистон Республикаси прокуратураси томонидан назоратга олинган.

Маълумот учун, А.Қ. ва М.Қнинг икки нафар, 4 яшар ва 1 ёш-у 4 ойлик қиз фарзандлари бор, дейилади хабарда.

Бўлишинг:

Муҳаррир танлови

Қозоғистон “мактабларида рўмол билан боғлиқ муаммо” бўйича жарималар давом этмоқда

Вилоят таълим соҳасини назорат қилиш департаменти маълумотларига қараганда, 19 январдан бошлаб қизлари мактабга қатнамаётган 13 нафар ота-она жаримага тортилган. ...

Ўзбекистонда санитария-эпидемиологик осойишталик агентлиги ташкил этилди

Ўзбекистон Республикасида санитария-эпидемиология хизмати тизимини тубдан такомиллаштириш чора-тадбирлари тўғрисида Президент Фармони (ПФ-5814-сон, 09.09.2019 й.) қабул ...

Жиззахда етти ойда уч ака-ука оламдан ўтди. улардан икки нафари ўзини осган

Жиззах вилояти Фориш туманидаги «Қўлба» МФЙ, «Кўҳна бозор» қишлоғида М. оиласида катта фожеа. Етти ой ичида ака-ука ўзини осди, учинчи ака юрак хуружидан вафот этди, дея ...