Фориш тоғларида адашиб қолган 4 ёшли қизча ярим тунда топилди

Жиззах вилояти Фориш тумани Чоштепа қишлоғида яшовчи Замира Қуролова 2019 йил 17 август куни 4 ёшли қизини йўқотиб қўйди.

Она қизалоғини ўзи билан бирга тоққа – чорва моллари боқиш учун олиб чиққан. Соат 17:00 ларда Замира Қуролова қизига «шу ерда қимирламасдан ўтир» дейди ва атрофида кўздан узоқлашаётган қорамолларини қайтаришга кетади.

Озроқ муддатдан сўнг қайтган аёл боласини қолдирган жойида кўрмайди ва қидира бошлайди. Топа олмагач, соат 19 ларда ҳудуд профилактика инспектори Дилмурод Раҳматовга бу воқеа ҳақида хабар беради.

Инспектор зудлик билан қидирувга аҳолини жалб қилди. Фуқаролар билан бирга Фориш тумани ИИБ тергов-тезкор гуруҳи қизчани излашга киришди. Қидирувчилар гуруҳларга ажралиб, ҳудудни кўздан кечира бошладилар.

Тунги соат 00.20 минут ўтганида қизалоқни йўқолган жойидан 4-5 километр узоқликда профилактика инспектори, катта лейтенант Дилмурод Раҳматов топишга муваффақ бўлади. Қизчанинг озроқ қўрққанини айтмаса, соғлигига зиён етмаган, айни вақтда онасининг бағрида.

— Қизимни йўқотиб қўйгач, 1 соатлар ўзим қидирдим, — дейди Замира Қуролова. — Топа олмагач, қўрқиб кетдим. Кейин бу тўғрида профилактика инспекторига хабар бердим. У қидирув учун одамларни тўплади. Болам ярим кечадан оққанда топилди. Бунинг учун қишлоқдошларимдан, айниқса, қизимни топиб берган профилактика инспекторидан миннатдорман.

Маълум бўлишича, бола ёлғиз қолганидан сўнг онасини қидириб, адашиб кетади. Қизчанинг топилишига йиғиси сабаб бўлган. Яъни, қоронғи тунда эшитилган йиғи профилактика инспектори эътиборини тортган. Айтиш керакки, барча тоғли ҳудудлардаги сингари Фориш туманида ҳам бўрилар учрайди. Шу маънода, қизчани қидиришга кўпчилик жалб қилиниб қисқа вақтда топилиши туфайли бахтсиз ҳодисанинг олди олинган, дейилади Жиззах вилояти ИИБ ахборот мультимедиа гуруҳи берган хабарда.

Тошқул Бекназаров, ЎзА

Бўлишинг:

Муҳаррир танлови

Шумқадам

Ўзбекда "шумқадам" ибораси бор, бу иборани кўп ишлатамиз, бирор бало ёки офат олиб келган инсонни, "қадами ёқмаган"ларни ўзбек қисқача қилиб "шумқадам" деб қўяди. ...

Андижонлик йигит тошкентдаги қурилаётган уйнинг 2-қаватдан йиқилиб вафот этди

Андижон вилояти Избоскан туманидан бўлган Б.О., Тошкент шаҳар, Учтепа туманида жойлашган янги қурилаётган кўп қаватли уйнинг қурилиш ишларига оғзаки келишув асосида жалб ...

Тошкентда йил бошидан бери оилавий ажримлар сони 769 тани ташкил этмоқда

Тошкент шаҳар ҳокимлигида “Оила” илмий-амалий тадқиқот маркази ҳамда Тошкент шаҳар Хотин-қизлар қўмитасининг оилавий ажримлар, уларни келиб чиқиш сабаблари муҳокамасига ...