Бошқа мавзуларДавлат хавфсизлик хизматининг ваколатларидан бири Президент давлат хавфсизлик хизматига ўтказилади.
Хорижий давлатлар ва халқаро ташкилотлар делегацияларининг Ўзбекистонга ташрифи давомида уларнинг хавфсизлигини таъминлаш билан эндиликда Ўзбекистон Президенти давлат хавфсизлик хизмати шуғулланаши бугун, 24 август куни маълум бўлди.
Бугун Сенат бу борадаги қонун лойиҳасини тасдиқлади.
Маълум бўлишича, «Терроризмга қарши кураш тўғрисида”ги қонунга янги модда қўшилади ва унга кўра, Ўзбекистон Республикаси Президенти давлат хавфсизлик хизмати Ўзбекистон Республикаси Президенти ва унинг оила аъзолари, Ўзбекистон Республикаси ҳудудида бўлган даврда қўриқланиши лозим бўлган чет давлатлар ва ҳукуматларнинг, халқаро ташкилотлар раҳбарларининг ва бошқа шахсларнинг хавфсизлигини ҳамда шахсий дахлсизлигини таъминлайди.
Қонун кўпчиликнинг овози билан Сенат тасдиғидан ўтди. Фақатгина энди бу ҳужжат Президент томонидан имзоланса ҳамда расмий эълон қилинса, ўша кунда кучга кирган ҳисобланади.
