Бугунги кунда Самарқанд вилоятида жами 1220 та умумий ўрта таълим мактаблари мавжуд.
Зарафшон газетасининг ёзишича, жорий йилда Инвестиция дастурига асосан 49 та мактабларда 95,5 миллиард сўмлик қурилиш-таъмирлаш ишлари амалга оширилмоқда. Жумладан, 1 та янги мактаб биноси қурилмоқда, шунингдек, 34 та таълим муассаси реконструкция ва 14 та мактаб мукаммал таъмирланмоқда.
Бугунги кунгача 47 та таълим муассасида қурилиш-таъмирлаш ишлари тўлиқ якунланган.
Шунингдек, жорий йилда “Обод қишлоқ” ва “Обод маҳалла” дастурига биноан 27 та таълим масканларида 47,1 миллиард сўмлик қурилиш-таъмирлаш ишлари амалга оширилмоқда.
Куз-қиш мавсумига тайёрлаш мақсадида 306 та умумий ўрта таълим мактабларининг қозонхоналарини алмаштириш ва таъмирлаш учун 2 миллиард 800 миллион сўм маблағ ажратилган.