Бизга мурувват керак эмас, дадам қамоқдан чиқса бўлди

Яқинда ижтимоий тармоқларда катта шов-шувга сабаб бўлган Яккабоғ туманидаги тадбиркорнинг дўкони маҳаллий ҳокимлик масъуллари томонидан қандай бузилган бўлса, шундай қайтадан тиклаб берилди. Бу ҳақда «Халқ сўзи» хабар берди.


Аммо ҳокимият томонидан қайта таъмирланди, деган иддаолар ўз исботини топмади.

Тадбиркор Баҳриддин Исомовнинг ўғли Шарофиддиннинг хабар қилишича, воқеадан икки кунлар кейин туман ҳокими ўринбосари бошчилигидаги одамлар келиб дўконнинг мажбурий бузилишини айтиб, уст қопламаси ва эшик ромларини қўпориб ташлаган эди. Одамларнинг қаттиқ норозилигига олиб келган кейинги воқеалар ҳукумат даражасида кўриб чиқилиб, бу ишлар ноқонуний эканлиги аниқланди ва адолат қайта тикланди.

Шарофиддиннинг таъкидлашича ҳали адолат тўлиқ тиклангани йўқ.

«Кимдир дўконимизни ҳокимиятдан келиб таъмирлаб беришди, деган гапларни тарқатибди. Аслида ҳокимият одамлари ўзлари бузган нарсаларни жойига қўйди, холос. Қолганини, яъни дўкон фасади ва пардозлаш ишларини ўз ҳисобимиздан 20 миллион сўмга яқин маблағ сарф этиб, амалга оширдик. Ўша кунларда бизнинг мулкимизга катта зарар етди, албатта. Қайта тиклаб бўлмайдиган нарсаларни энди суд орқали ундиришимизга тўғри келади. Умуман, бизга ҳокимиятнинг муруввати керак эмас, ўзимизнинг кучимиз етади. Фақат ҳозир тергов ишлари давом этаётгани учун отамизни эҳтиёт чораси сифатида ҳибсхонада ушлаб туришибди. Падари бузрукворимиз уйга қайтса, шу ердан туриб ҳам тергов ишларида иштирок этса, адолатдан бўлар эди», — дейди у.

Бўлишинг:

Муҳаррир танлови

Марказий банк: валютада берилган кредитлар мижозлар фойдасига қайта кўриб чиқилади

МБ тижорат банкларига хорижий валютада кредит олган ҳар бир мижоз билан биргаликда ушбу кредитларни қайтариш имкониятларини ўрганиб чиқишни тавсия қилди. (more…)

Биткоин. криптовалюталар доллардан ҳам қудратлими?

Биткоин криптовалютаси нима ўзи ва у қандай вужудга келган? У қайси давлат ёки ташкилот томонидан бошқарилади? Унда тўловлар қандай амалга оширилади? Нима учун унинг қиймати ...

Ўзбекистонда 7 кун ичида 2,1 млрд. сўмлик авторақамлар сотилди

2019 йилнинг 1 апрелидан 7 апрелигача бўлган давр мобайнида “ЎзРТХБ” АЖ да 998,3 млрд сўмлик битимлар тузилди. Кичик бизнес ва тадбиркорлик субъектлари иштирокида тузилган ...